រដ្ឋមន្ត្រីក្រសួងការពារជាតិអាមេរិក Pete Hegseth បាននិយាយថា សហរដ្ឋអាមេរិកកំពុងឈ្នះសង្រ្គាមប្រឆាំងនឹង អ៊ីរ៉ង់ហើយកងទ័ពអាមេរិកអាចបន្តប្រយុទ្ធបានយូរតាមដែលចាំបាច់។ ការអះអាងនេះត្រូវបានធ្វើឡើងនៅក្នុងកិច្ចប្រជុំសង្ខេបនៅមន្ទីរបញ្ចកោណ ក្នុងទីក្រុង Washington, D.C.។
ប្រភពពីសារព័ត៌មានReuter នៅថ្ងៃទី៥ខែមីនា។
លោក Hegseth បានបញ្ជាក់ថា ប្រព័ន្ធការពារដែនអាកាសរបស់សហរដ្ឋអាមេរិក និងសម្ព័ន្ធមិត្តមានសមត្ថភាពខ្ពស់ និងមានធនធានគ្រប់គ្រាន់សម្រាប់ទប់ទល់នឹងការវាយប្រហារពីអ៊ីរ៉ង់។ លោកបាននិយាយថា កងទ័ពអាមេរិកអាចរក្សាការប្រយុទ្ធនេះបានយ៉ាងងាយស្រួល ដរាបណាស្ថានភាពទាមទារ។
សេចក្តីថ្លែងការណ៍នេះកើតឡើងនៅពេលដែលភាពតានតឹងរវាងអាមេរិកនិងអ៊ីរ៉ង់កំពុងកើនឡើង បន្ទាប់ពីមានការវាយប្រហារទៅវិញទៅមករវាងភាគីទាំងពីរ និងការចូលរួមរបស់អ៊ីស្រាអែលក្នុងជម្លោះនេះ៕