កងកម្លាំងឆ្មាំបដិវត្តន៍ (IRGC) នៃប្រទេសអ៊ីរ៉ង់ ប្រកាសថា អ៊ីរ៉ង់ត្រៀមលក្ខណៈរួចជាស្រេច ដើម្បីបន្តសង្រ្គាម ជាមួយសហរដ្ឋអាមេរិកនិងអ៊ីស្រាអែល រយៈពេលវែងយ៉ាងហោច៦ខែ។
សារព័ត៌មាន Bloomberg នៅថ្ងៃទី៨ ខែមីនា ឆ្នាំ២០២៦។
អ្នកនាំពាក្យ IRGC បាននិយាយតាមរយៈទូរទស្សន៍រដ្ឋអ៊ីរ៉ង់ ថាអ៊ីរ៉ង់បានត្រៀមលក្ខណៈយ៉ាងពេញលេញ ដើម្បីបន្តសង្រ្គាមក្តៅគគុក ក្នុងសន្ទុះដូចបច្ចុប្បន្ន សម្រាប់រយៈពេលយ៉ាងហោចណាស់៦ខែ។
សង្រ្គាមនេះបានផ្ទុះឡើង កាលពីថ្ងៃសៅរ៍ចុងសប្តាហ៍មុន នៅពេលសហរដ្ឋអាមេរិកនិងអ៊ីស្រាអែល បានបើកការវាយប្រហារតាមអាកាសលើប្រទេសអ៊ីរ៉ង់ ហើយផ្តាច់ជីវិតមេដឹកនាំកំពូលរបស់អ៊ីរ៉ង់ទៀតផង។
នាយករដ្ឋមន្រ្តីអ៊ីស្រាអែល លោក Benjamin Netanyahu បានព្រមានថា អ៊ីស្រាអែលនិងអាមេរិក នៅមានរឿងភ្ញាក់ផ្អើលជាច្រើនទៀតសម្រាប់អ៊ីរ៉ង់ ក្នុងដំណាក់កាលបន្ទាប់នៃសង្រ្គាម៕