អាជ្ញាធរស៊ុយអែត ប្រកាសថាកប៉ាល់មួយគ្រឿងដែលត្រូវបានរឹបអូសនៅក្នុងដែនទឹកសមុទ្របាល់ទិក បានធ្វើដំណើរដោយប្រើទង់ជាតិក្លែងក្លាយ និងត្រូវបានសង្ស័យថាបានរំលោភច្បាប់សមុទ្រនិងច្បាប់សុវត្ថិភាពនាវាជាតិ។
ប្រភពពីសារព័ត៌មានReuterនៅថ្ងៃទី៨ខែមីនា។
ប៉ូលីសស៊ុយអែតបានបញ្ជាក់ថា កប៉ាល់នោះអាច មិនមានស្ថានភាពសុវត្ថិភាពគ្រប់គ្រាន់សម្រាប់ការធ្វើដំណើរតាមសមុទ្រ ដែលជាហេតុធ្វើឱ្យអាជ្ញាធរធ្វើការរឹបអូស និងចាប់ផ្តើមស៊ើបអង្កេត។
លោក Johan Andersson អនុប្រធាននាយកដ្ឋានប្រតិបត្តិការជាតិរបស់ប៉ូលីស បាននិយាយថា សមាជិកនាវិកម្នាក់ត្រូវបានសង្ស័យថាបានប្រព្រឹត្តបទល្មើស ដែលអាចពាក់ព័ន្ធនឹងការរំលោភច្បាប់ជាតិ និងអន្តរជាតិ។
អាជ្ញាធរកំពុងបន្តស៊ើបអង្កេតលម្អិត ដើម្បីកំណត់ប្រភពពិតនៃកប៉ាល់ និងសកម្មភាពដែលវាបានអនុវត្តក្នុងតំបន់សមុទ្របាល់ទិក៕