រដ្ឋាភិបាលអូស្រ្តាលី បានអនុវត្តច្បាប់ថ្មីស្តីពីការរឹតបន្តឹងអាយុក្នុងការប្រើប្រាស់អ៊ីនធឺណិត ដោយរារាំងគេហទំព័រមាតិកាអាសអាភាសមួយចំនួនជះឥទ្ធិពលសម្រាប់អ្នកប្រើប្រាស់ក្នុងប្រទេស។ វិធានការនេះមានគោលបំណងការពារកុមារ និងយុវជនពីមាតិកាមិនសមរម្យតាមអ៊ីនធឺណិត។
ប្រភពពីសារព័ត៌មានReuterនៅថ្ងៃទី៩ខែមីនា។
បន្ទាប់ពីច្បាប់នេះចូលជាធរមាន ប្រជាជនមួយចំនួនបានប្រើប្រាស់កម្មវិធី Virtual Private Network (VPN) ដើម្បីចូលទៅកាន់គេហទំព័រដែលត្រូវបានរារាំង។ ដោយសារតែការរឹតបន្តឹងនេះ កម្មវិធី VPN ឥតគិតថ្លៃបានក្លាយជាកម្មវិធីពេញនិយមមួយនៅលើស្មាតហ្វូន។
ក្រុមហ៊ុន Aylo ដែលជាម្ចាស់គេហទំព័រ Pornhub ក៏បានរារាំងការចូលប្រើប្រាស់គេហទំព័រមួយចំនួនពីប្រទេសអូស្ត្រាលីផងដែរ ដើម្បីអនុវត្តតាមច្បាប់ថ្មី។ វិធានការនេះបង្ហាញពីការខិតខំរបស់រដ្ឋាភិបាលក្នុងការគ្រប់គ្រងមាតិកាអ៊ីនធឺណិត និងការពារយុវជននៅក្នុងសង្គម៕