រដ្ឋាភិបាលកូរ៉េខាងត្បូង គ្រោងនឹងដាក់កម្រិតតម្លៃប្រេងឥន្ធនៈ ដើម្បីការពារសេដ្ឋកិច្ចពីផលប៉ះពាល់នៃវិបត្តិថាមពលពិភពលោក។ វិធានការនេះមានគោលបំណងបន្ថយការឡើងថ្លៃប្រេង និងការពារប្រជាពលរដ្ឋពីបន្ទុកចំណាយខ្ពស់។
ប្រភពពីសារព័ត៌មានReuterនៅថ្ងៃទី៩ខែមីនា។
ប្រធានាធិបតី Lee Jae-myung បាននិយាយថា រដ្ឋាភិបាលកំពុងស្វែងរកប្រភពថាមពលជំនួស ដើម្បីកាត់បន្ថយការពឹងផ្អែកលើផ្លូវដឹកជញ្ជូនថាមពលតាមច្រកសមុទ្រHormuz ដែលកំពុងរងផលប៉ះពាល់ដោយសារសង្គ្រាមនៅតំបន់មជ្ឈិមបូព៌ា។
ក្រៅពីនេះ ក្រសួងពាក់ព័ន្ធគ្រោងនឹងអនុវត្តប្រព័ន្ធកម្រិតតម្លៃប្រេងក្នុងរយៈពេលមួយសប្តាហ៍ ហើយកម្មវិធីស្ថិរភាពទីផ្សារមានតម្លៃប្រហែល 100 ពាន់ពាន់លានវ៉ុន ក៏អាចត្រូវបានពង្រីកបន្ថែម ដើម្បីជួយគាំទ្រសេដ្ឋកិច្ច និងរក្សាស្ថិរភាពតម្លៃថាមពលនៅក្នុងប្រទេស៕