រដ្ឋាភិបាលវៀតណាម ប្រកាសគម្រោងលុបចោលពន្ធនាំចូលលើប្រេងឥន្ធនៈជាបណ្តោះអាសន្ន ដើម្បីធានាការផ្គត់ផ្គង់ថាមពល និងកាត់បន្ថយផលប៉ះពាល់ពីការរំខាននៃទីផ្សារប្រេងពិភពលោក ដែលបណ្តាលមកពីសង្គ្រាមនៅមជ្ឈិមបូព៌ា។
ប្រភពពីសារព័ត៌មានReuterនៅថ្ងៃទី៩ខែមីនា។
តាមសេចក្តីថ្លែងការណ៍របស់រដ្ឋាភិបាល ការលុបពន្ធនេះគ្រោងអនុវត្តរហូតដល់ចុងខែមេសា ឆ្នាំ 2026 ខណៈដែលក្រសួងហិរញ្ញវត្ថុកំពុងរៀបចំដំណោះស្រាយសម្រាប់អនុវត្តវិធានការនេះ។ គោលបំណងគឺជួយឱ្យអាជីវកម្មអាចរកប្រភពប្រេងបានងាយស្រួល និងរក្សាស្ថិរភាពទីផ្សារប្រេងក្នុងស្រុក។
ការសម្រេចចិត្តនេះកើតឡើងនៅពេលដែលតម្លៃប្រេងពិភពលោកកំពុងកើនឡើងខ្លាំង ដោយសារសង្គ្រាមពាក់ព័ន្ធនឹងអ៊ីរ៉ង់ដែលបានរំខានដល់ការដឹកជញ្ជូនប្រេង និងការផ្គត់ផ្គង់ថាមពលទៅកាន់ប្រទេសជាច្រើន។
វិធានការនេះត្រូវបានគេរំពឹងថានឹងជួយធានាសុវត្ថិភាពថាមពល និងបន្ថយសម្ពាធលើតម្លៃប្រេងនៅក្នុងប្រទេសវៀតណាមក្នុងអំឡុងពេលវិបត្តិនេះ៕