រដ្ឋាភិបាលបង់ក្លាដែស បានសម្រេចបិទសាកលវិទ្យាល័យទាំងអស់ជាបណ្តោះអាសន្ន និងកំណត់ការលក់ប្រេងឥន្ធនៈ ដោយសារវិបត្តិថាមពលកាន់តែធ្ងន់ធ្ងរ ដែលបណ្តាលមកពីសង្គ្រាមនៅអ៊ីរ៉ង់។ ប្រទេសនេះពឹងផ្អែកលើការនាំចូលថាមពលប្រហែល 95% ដូច្នេះការរំខាននៃការផ្គត់ផ្គង់បានបង្កឱ្យមានការខ្វះខាតប្រេងឥន្ធនៈ។
ប្រភពពីសារព័ត៌មានAl Jazeeraនៅថ្ងៃទី៩ខែមីនា។
អាជ្ញាធរបានប្រកាសបិទសាកលវិទ្យាល័យសាធារណៈ និងឯកជនទូទាំងប្រទេស ចាប់ពីថ្ងៃចន្ទ ដោយភ្ជាប់ជាមួយថ្ងៃឈប់សម្រាក Eid al-Fitr ដើម្បីកាត់បន្ថយការប្រើប្រាស់អគ្គិសនី និងប្រេងឥន្ធនៈ។ វិធានការនេះក៏មានគោលបំណងបន្ថយចរាចរណ៍ និងការខ្ជះខ្ជាយប្រេងនៅតាមផ្លូវផងដែរ។
មន្ត្រីបានបញ្ជាក់ថា សាកលវិទ្យាល័យប្រើប្រាស់អគ្គិសនីច្រើនសម្រាប់អគារស្នាក់នៅ ថ្នាក់រៀន និងមន្ទីរពិសោធន៍។ ដូច្នេះ ការបិទជាបណ្តោះអាសន្ននឹងជួយបន្ថយសម្ពាធលើប្រព័ន្ធថាមពលរបស់ប្រទេស ខណៈដែលរដ្ឋាភិបាលកំពុងដោះស្រាយវិបត្តិថាមពលដែលកំពុងកើតឡើង៕