ប្រទេសជាច្រើននៅតំបន់មជ្ឈិមបូព៌ា និងអាស៊ីបានផ្ញើសារអបអរសាទរដល់មេដឹកនាំកំពូលថ្មីរបស់ អ៊ីរ៉ង់ គឺ Mojtaba Khamenei បន្ទាប់ពីគាត់ត្រូវបានតែងតាំងជំនួសឪពុករបស់គាត់គឺលោក Ali Khamenei ដែលបានស្លាប់ក្នុងការវាយប្រហាររួមរបស់ សហរដ្ឋអាមេរិក និង អ៊ីស្រាអែល កាលពីថ្ងៃទី 28 ខែកុម្ភៈ។
ប្រភពពីសារព័ត៌មានAnadolu Agencyនៅថ្ងៃទី១០ខែមីនា។
មេដឹកនាំ អូម៉ង់ Haitham bin Tariq បានក្លាយជាមេដឹកនាំអារ៉ាប់ដំបូងដែលផ្ញើសារអបអរសាទរដល់មេដឹកនាំថ្មីនេះ។ ខណៈដែលនាយករដ្ឋមន្ត្រី អ៊ីរ៉ាក់ Mohammed Shia al-Sudani ក៏បានបង្ហាញការគាំទ្រដល់អ៊ីរ៉ង់ និងសង្ឃឹមថាថ្នាក់ដឹកនាំថ្មីអាចដឹកនាំប្រទេសឆ្លងកាត់ដំណាក់កាលដ៏ស្មុគស្មាញនេះ។
ជាមួយគ្នានេះ ប្រធានាធិបតី អាស៊ែបៃហ្សង់ Ilham Aliyev ក៏បានផ្ញើសារអបអរសាទរដល់លោក Mojtaba Khamenei និងសម្តែងការរំលែកទុក្ខចំពោះការស្លាប់របស់ឪពុករបស់គាត់ផងដែរ។
បន្ថែមពីនេះ ចិន និង រុស្ស៊ី ក៏បានបង្ហាញការគាំទ្រចំពោះអធិបតេយ្យភាពរបស់អ៊ីរ៉ង់ និងអំពាវនាវឱ្យបញ្ចប់ជម្លោះយោធា។ ប្រធានាធិបតី រុស្ស៊ី Vladimir Putin បានផ្ញើសារអបអរសាទរដល់លោក Khamenei និងបង្ហាញការជឿជាក់ថាគាត់អាចបន្តការងាររបស់ឪពុកក្នុងការរួបរួមប្រជាជនអ៊ីរ៉ង់៕