តម្លៃឧស្ម័នធម្មជាតិនៅអឺរ៉ុបបានកើនឡើងយ៉ាងខ្លាំងប្រមាណ 28.5% ខណៈការព្រួយបារម្ភអំពីការផ្គត់ផ្គង់ថាមពលសកលកាន់តែធ្ងន់ធ្ងរ បន្ទាប់ពីភាពតានតឹងយោធារវាង សហរដ្ឋអាមេរិក និង អ៊ីស្រាអែល ជាមួយ អ៊ីរ៉ង់។ ការវាយប្រហារនេះបានប៉ះពាល់ដល់ការដឹកជញ្ជូនថាមពលតាមច្រកសមុទ្រ Hormuz ដែលជាផ្លូវដឹកជញ្ជូនប្រេង និងឧស្ម័នសំខាន់បំផុតមួយរបស់ពិភពលោក។
ប្រភពពីសារព័ត៌មានAnatoly Agencyនៅថ្ងៃទី១០ខែមីនា។
នៅមជ្ឈមណ្ឌលជួញដូរឧស្ម័នអឺរ៉ុប Title Transfer Facility ក្នុងប្រទេស ហូឡង់ តម្លៃឧស្ម័នសម្រាប់កិច្ចសន្យាខែមេសាបានកើនឡើងដល់ប្រហែល 68.5 អឺរ៉ូក្នុងមួយមេហ្គាវ៉ាត់ម៉ោង ដែលជាការកើនឡើងខ្លាំងបើប្រៀបធៀបនឹងសប្តាហ៍មុន។ ក្នុងរយៈពេលត្រឹមមួយសប្តាហ៍បន្ទាប់ពីការវាយប្រហារ តម្លៃឧស្ម័នបានកើនឡើងសរុបប្រមាណ 67%។
ការកើនឡើងនេះក៏បណ្តាលមកពីកម្រិតស្តុកឧស្ម័នរបស់អឺរ៉ុបធ្លាក់ចុះក្រោម 30% ដែលធ្វើឱ្យទីផ្សារថាមពលមានការព្រួយបារម្ភកាន់តែខ្លាំង។ បន្ថែមពីនេះ ការផ្អាកផលិតកម្មនៅរោងចក្រឧស្ម័នធម្មជាតិរាវរបស់ក្រុមហ៊ុន QatarEnergy ក៏បានបង្កសម្ពាធបន្ថែមលើទីផ្សារថាមពលផងដែរ៕