នៅថ្ងៃទី១០ខែមីនា ឆ្នាំ២០២៦ ទីក្រុងតេអេរ៉ង់ បានរងការវាយប្រហារដោយមីស៊ីលស្រោចដូចទឹកភ្លៀង។
បណ្ដាលឱ្យផ្ទុះខ្លាំង ខណៈមិនទាន់មានសេចក្តីរាយការណ៍ អំពីតួលេខនៃការស្លាប់និងរបួសឡើយ។
សារព័ត៌មាន Al Jazeera ។
ការវាយប្រហារនេះ កើតឡើងបន្ទាប់ពីប្រធានាធិបតីអាមេរិក ដូណាល់ ត្រាំ ប្រកាសថា សង្គ្រាមអ៊ីរ៉ង់ នឹងចប់ឆាប់ៗនេះហើយ ប៉ុន្តែមិនមែនចប់ក្នុងសប្តាហ៍នេះទេ។
លោកត្រាំ អាមេរិក កំពុងដាក់ពង្រាយកងទ័ពក្នុងកម្រិតតូចមួយ ព្រោះចាំបាច់ត្រូវតែធ្វើវា ដើម្បីកម្ចាត់មនុស្សមួយចំនួន។
អ្នកនឹងឃើញថា នេះនឹងគ្រាន់តែជាប្រតិបត្តិការរយៈពេលខ្លីប៉ុណ្ណោះ ដើម្បីកម្ចាត់អំពើអាក្រក់ចេញពីតំបន់ ឆាប់ៗសង្គ្រាមនឹងចប់ជាស្ថាពរ មិនយូរទៀតទេ។
លោកត្រាំ ថា សមត្ថភាពយោធារបស់អ៊ីរ៉ង់ ត្រូវបានបំផ្លិចបំផ្លាញយ៉ាងដំណំ ដោយបាត់បង់ទាំងកងទ័ពជើងទឹក ប្រព័ន្ធទំនាក់ទំនង និងកម្លាំងទ័ពអាកាស។
ប្រតិបត្តិការនេះលឿនជាងការគ្រោងទុកដែលដំបូងឡើយលោកស្មានថាត្រូវចំណាយពេល ១ខែ ។
ប៉ុន្តែឥឡូវនេះអ្វីៗហាក់ដូចជាជិតរួចរាល់ហើយ ទោះបីជាយុទ្ធនាការទើបតែចាប់ផ្តើមកាលពីថ្ងៃទី ២៨ ខែកុម្ភៈ។
លោកត្រាំ បានប្រើប្រាស់សម្តីធ្ងន់ៗ និងមានលក្ខណៈគំរាមកំហែងខ្លាំងទៅលើអ៊ីរ៉ង់ ។
ដោយបញ្ជាក់ថា អាមេរិកត្រៀមខ្លួនវាយប្រហារប្រទេសនេះខ្លាំងជាងមុនដល់ទៅ ២០ ដងឯណោះ បើទីក្រុងតេហេរ៉ង់ មិនព្រមបើកច្រក Hormuz ឲ្យមានលំហូរប្រេង។
នៅលើបណ្តាញសង្គម Truth Social កាលពីថ្ងៃចន្ទ មេដឹកនាំអាមេរិកសរសេរថា៖ ប្រសិនបើអ៊ីរ៉ង់ ធ្វើសកម្មភាពណាមួយដែលរារាំងដល់លំហូរប្រេងនៅច្រក Hormuz នោះពួកគេនឹងត្រូវទទួលការវាយបកដោយសហរដ្ឋអាមេរិក ខ្លាំងជាងអ្វីដែលពួកគេធ្លាប់រងគ្រោះកន្លងមកដល់ទៅ ២០ ដង។
យើងនឹងកម្ទេចគោលដៅនានា ដែលនឹងធ្វើឲ្យអ៊ីរ៉ង់ សឹងតែមិនអាចកសាងប្រទេសឡើងវិញបានជាដាច់ខាត៕