ប្រព័ន្ធផ្សព្វផ្សាយរដ្ឋនៃកូរ៉េខាងជើង បានចេញផ្សាយរូបភាពថ្មីដោយបង្ហាញ គីម ជូអេ កូនស្រីរបស់មេដឹកនាំ គីម ជុងអ៊ុន កំពុងសាកល្បងបាញ់កាំភ្លើងខ្លីនៅវិចិត្រសាលបាញ់ប្រហារនៃរោងចក្រផលិតគ្រាប់រំសេវមួយកន្លែង។
ប្រភពពីសារព័ត៌មានCNA នៅថ្ងៃទី១២ខែមីនា។
តាមព័ត៌មានផ្លូវការបានឱ្យដឹងថា មេដឹកនាំ និងកូនស្រីរបស់គាត់បានទៅត្រួតពិនិត្យការផលិតកាំភ្លើងខ្លីប្រភេទថ្មី និងអាវុធស្រាលផ្សេងៗ។ ក្នុងព្រឹត្តិការណ៍នោះ នាងត្រូវបានឃើញកំពុងបាញ់កាំភ្លើងខ្លី។
អ្នកជំនាញជាច្រើនយល់ថា ការបង្ហាញជាបន្តបន្ទាប់នេះអាចជាសញ្ញាថារដ្ឋកំពុងរៀបចំរូបភាពរបស់នាងជាអ្នកស្នងតំណែងនាពេលអនាគត។ គ្រួសារ គីម បាន គ្រប់គ្រង ប្រទេស កូរ៉េខាងជើង អស់ ជាច្រើន ទសវត្សរ៍ ហើយ រូបភាព របស់កូនស្រីមេដឹកនាំត្រូវបានគេមើលថាជាការបង្ហាញអំពីតួនាទីនយោបាយនាពេលខាងមុខ៕