លោក វ៉ូឡូឌីមៀ ហ្សេលេនស្គី ប្រធានាធិបតីអ៊ុយក្រែន បាននិយាយថារុស្ស៊ីកំពុងផ្គត់ផ្គង់ដ្រូន Shahed ឱ្យអ៊ីរ៉ង់ ដើម្បីប្រើប្រាស់ប្រឆាំងនឹងអាមេរិក និងអ៊ីស្រាអែល។
សារព័ត៌មាន Reuters។
លោក ហ្សេលេនស្គី បានកត់សម្គាល់បែបនេះក្នុងបទសម្ភាសន៍ជាមួយទូរទស្សន៍ CNN ដែលត្រូវបានចាក់ផ្សាយកាលពីថ្ងៃសៅរ៍ ទី១៤ ខែមីនា ឆ្នាំ២០២៦។
ក្នុងបទសម្ភាសន៍នោះ លោក ហ្សេលេនស្គី បានប្រាប់ អ្នកសារព័ត៌មាន CNN លោក Fareed Zakaria ថាវាជារឿងពិត១០០ភាគរយដែលអ៊ីរ៉ង់ បានប្រើប្រាស់ដ្រូន Shahed ផ្គត់ផ្គង់ដោយរុស្ស៊ី ដើម្បីវាយប្រហារលើមូលដ្ឋានទ័ពអាមេរិកក្នុងតំបន់មជ្ឈិមបូព៌ា។
ដ្រូន Shahed ផលិតដោយអ៊ីរ៉ង់ ត្រូវបានប្រើប្រាស់ទ្រង់ទ្រាយធំជាលើកដំបូងក្នុងសង្រ្គាមរបស់រុស្ស៊ី នៅអ៊ុយក្រែន ជាទីដែលយោធារុស្ស៊ីបានដ្រូននេះម៉ឺនគ្រឿង ចាប់តាំងពីសង្រ្គាមអ៊ុយក្រែនផ្ទុះឡើង កាលពីឆ្នាំ២០២២។
ដំបូងឡើយអ៊ីរ៉ង់ ត្រូវបានរាយការណ៍ថាបានផ្គត់ផ្គង់ដ្រូន Shahed ទៅឱ្យរុស្ស៊ីតែក្រោយមកទីក្រុងមូស្គូ ទទួលបានសិទ្ធិផលិតដ្រូនប្រភេទនេះ៕