នៅថ្ងៃទី១៩ ខែមីនា ឆ្នាំ២០២៦ រដ្ឋបាលរបស់ Donald Trump កំពុងពិចារណាបញ្ជូនកងទ័ពរាប់ពាន់នាក់ទៅតំបន់មជ្ឈិមបូព៌ា ដើម្បីពង្រឹងប្រតិបត្តិការយោធា ខណៈសង្គ្រាមប្រឆាំងនឹងអ៊ីរ៉ង់កំពុងបន្តខ្លាំងឡើង។
ប្រភពពីសារព័ត៌មានAl Jazeera។
ប្រតិបត្តិការដែលកំពុងពិចារណារួមមានការធានាសុវត្ថិភាពនាវាដឹកប្រេងឆ្លងកាត់ច្រកសមុទ្រHormuz ដែលជាច្រកសមុទ្រសំខាន់សម្រាប់ពាណិជ្ជកម្មថាមពលពិភពលោក។ បេសកកម្មនេះនឹងពឹងផ្អែកលើកងកម្លាំងអាកាស និងកងទ័ពជើងទឹកជាចម្បង។
ការពារច្រកសមុទ្រនេះអាចតម្រូវឲ្យមានការដាក់កងទ័ពអាមេរិកនៅជិតឆ្នេរសមុទ្ររបស់អ៊ីរ៉ង់ផងដែរ ដែលជាការកើនឡើងនៃហានិភ័យនយោបាយ និងយោធា។
សង្គ្រាមនេះបានចូលដល់សប្តាហ៍ទីបី ហើយកំពុងបង្កការព្រួយបារម្ភអំពីសន្តិសុខតំបន់ និងសេដ្ឋកិច្ចពិភពលោក ជាពិសេសការដឹកជញ្ជូនប្រេង៕