យោធាអ៊ីស្រាអែល ទម្លាក់គ្រាប់បែកកម្ទេចស្ពានដ៏សំខាន់ នៅភាគខាងត្បូងប្រទេសលីបង់ ខណៈអ៊ីស្រាអែលចាត់ទុកថា ជាផ្លូវដឹកជញ្ជូនអាវុធរបស់ក្រុមហេសបូឡា។
សារព័ត៌មានCBC នៅថ្ងៃអាទិត្យទី២២ខែមីនាឆ្នាំ២០២៦។
កងទ័ពអ៊ីស្រាអែល បានកម្ទេចស្ពាន Qasmiyeh (កាស់មីយេ)ឆ្លងកាត់ទន្លេ Litani (លីតានី) ដែលស្ថិតនៅភាគខាងជើងទីក្រុង(ទីរ៉េ)។
ស្ពាននេះ គឺជាចំណុចតភ្ជាប់ដ៏សំខាន់បំផុតមួយនៅលើផ្លូវហាយវេមាត់សមុទ្រ ដែលតភ្ជាប់ទីក្រុងបេរូត ទៅកាន់ភាគខាងត្បូងលីបង់។
ស្ពាននេះ គឺសរសៃឈាមដឹកជញ្ជូន ព្រោះវាជាផ្លូវមេសម្រាប់ដឹកស្បៀងអាហារ ថ្នាំសង្កូវ និងទំនិញចាំបាច់ចំពោះប្រជាជនរាប់សែននាក់នៅភាគខាងត្បូង។
ជុំវិញការវាយប្រហារនេះ កងទ័ពអ៊ីស្រាអែល បានប្រើប្រាស់មីស៊ីលរយៈចម្ងាយឆ្ងាយ ដើម្បីកម្ទេចស្ពានក្នុងគោលដៅ កាត់ផ្ដាច់ការផ្គត់ផ្គង់អាវុធ ព្រោះអ៊ីស្រាអែលជឿថា ក្រុម Hezbollah ប្រើប្រាស់ផ្លូវនេះដើម្បីដឹកជញ្ជូនមីស៊ីល និងគ្រាប់រំសេវដែលផ្គត់ផ្គង់ដោយអ៊ីរ៉ង់៕