នៅថ្ងៃទី24 ខែមីនា ឆ្នាំ2026 ប្រព័ន្ធផ្សព្វផ្សាយអ៊ីរ៉ង់ បានរាយការណ៍ថាការវាយប្រហាររួមរបស់សហរដ្ឋអាមេរិកនិង អ៊ីស្រាអែល បានកំណត់គោលដៅទៅលើហេដ្ឋារចនាសម្ព័ន្ធថាមពលសំខាន់ៗនៅអ៊ីហ្វាហាន និងខររ៉ាមសាហរនៃប្រទេសអ៊ីរ៉ង់។
ប្រភពពីសារព័ត៌មានAnadu Agency។
តាមប្រភពព័ត៌មាន ការវាយប្រហារនៅ Isfahan បានប៉ះពាល់ដល់អគាររដ្ឋបាលឧស្ម័នធម្មជាតិ និងស្ថានីយ៍កាត់បន្ថយសម្ពាធឧស្ម័ន បណ្តាលឱ្យមានការខូចខាតខ្លះៗ និងប៉ះពាល់ដល់លំនៅដ្ឋានជិតខាង។
ខណៈនៅ Khorramshahr មីស៊ីលមួយគ្រាប់បានវាយប្រហារ តំបន់ជិតបំពង់បង្ហូរឧស្ម័ន របស់រោងចក្រថាមពល ប៉ុន្តែមិនមានអ្នកស្លាប់ ឬរបួសត្រូវបានរាយការណ៍ឡើយ។
ទោះជាយ៉ាងណា អាជ្ញាធរមូលដ្ឋានបានបញ្ជាក់ថា ការផ្គត់ផ្គង់ថាមពលនៅតែបន្តដំណើរការធម្មតា ជាពិសេសនៅ Khorramshahr ដោយសារការឆ្លើយតបបន្ទាន់។
ស្ថានការណ៍នៅតំបន់មជ្ឈិមបូព៌ាកំពុងតែតានតឹងខ្លាំងឡើង បន្ទាប់ពីជម្លោះបានកើនឡើងចាប់តាំងពីចុងខែកុម្ភៈ ខណៈភាគីទាំងអស់បន្តវាយប្រហារទៅវិញទៅមក៕