អ៊ីរ៉ង់បានបញ្ចេញវីដេអូមួយដែលបង្ហាញមេដឹកនាំកំពូល លោកMojtaba Khamenei បន្ទាប់ពីមានព័ត៌មានថា លោកកំពុងមានបញ្ហាសុខភាពធ្ងន់ធ្ងរ។
ប្រភពពីសារព័ត៌មានAnadolu Agency នៅថ្ងៃទី១០ខែសីហា។
ក្នុងវីដេអូដែលផ្សាយដោយសារព័ត៌មាន Mehr News លោក Mojtaba ត្រូវបានឃើញអង្គុយជាមួយមនុស្សមួយចំនួន និងហាក់ដូចជាកំពុងនិយាយជាមួយពួកគេ។ ប៉ុន្តែសារព័ត៌មាននេះមិនបានបញ្ជាក់ថា វីដេអូថតនៅពេលណា និងទីណាទេ ហើយក៏មិនបានប្រាប់អត្តសញ្ញាណមនុស្សដែលនៅជាមួយលោកដែរ។
តាមសារព័ត៌មាន Mehr លោក Mojtaba ក៏បានជួបប្រធានាធិបតីអ៊ីរ៉ង់ Masoud Pezeshkian ដើម្បីពិភាក្សាអំពីបញ្ហាប្រឈមរបស់ប្រទេស រួមមានជីវភាពប្រជាជន សង្គ្រាមជាមួយអាមេរិក និងសេដ្ឋកិច្ច៕
