កាលពីថ្ងៃទី23 ខែមីនា ឆ្នាំ2026 ប្រព័ន្ធផ្សព្វផ្សាយអ៊ីស្រាអែល បានរាយការណ៍ថា សហរដ្ឋអាមេរិកបានកំណត់ថ្ងៃទី៩ ខែមេសា ជាគោលដៅសម្រាប់បញ្ចប់សង្គ្រាមជាមួយអ៊ីរ៉ង់ ខណៈមានការរំពឹងថា ការចរចារវាងភាគីទាំងពីរ អាចកើតឡើងក្នុងពេលឆាប់ៗនេះ។
ប្រភពពីសារព័ត៌មាន Anadolu Agency។
តាមកាសែតក្នុង Jerusalem មន្ត្រីអ៊ីស្រាអែលមិនបញ្ចេញឈ្មោះម្នាក់បានបញ្ជាក់ថា ទីក្រុងវ៉ាស៊ីនតោនបានកំណត់រយៈពេលប្រហែល ២១ ថ្ងៃសម្រាប់ទាំងការប្រយុទ្ធ និងការចរចា ដោយមានគោលបំណងបញ្ចប់ជម្លោះនៅដើមខែមេសា។
ប្រភពដដែលបាននិយាយថា ការចរចារវាងអ៊ីរ៉ង់ និងសហរដ្ឋអាមេរិក ត្រូវបានរំពឹងថានឹងធ្វើឡើងនៅ Pakistan នៅចុងសប្តាហ៍នេះ ទោះបីជាអ៊ីស្រាអែលមិនទទួលបានព័ត៌មានលម្អិតពេញលេញអំពីការទំនាក់ទំនងទាំងនេះក៏ដោយ។
យ៉ាងណាមិញ ប្រធានសភាអ៊ីរ៉ង់ Mohammad Bagher Qalibaf បានបដិសេធថាមិនមានការចរចាណាមួយជាមួយសហរដ្ឋអាមេរិកទេ ហើយបានហៅរបាយការណ៍ទាំងនេះថាជា “ព័ត៌មានក្លែងក្លាយ” ដែលមានគោលបំណងប៉ះពាល់ដល់ទីផ្សារហិរញ្ញវត្ថុ និងប្រេង៕