អ្នកតាក់តែងច្បាប់កំពូលរបស់រុស្ស៊ីម្នាក់បាននិយាយថា សហរដ្ឋអាមេរិក«ច្បាស់ណាស់ថា មិនបានត្រៀមខ្លួន» ខាងយោធាសម្រាប់សង្គ្រាមលើអ៊ីរ៉ង់នោះទេ។
ពីព្រោះពឹងផ្អែកលើ«ជំនឿខុសឆ្គង» ថាកម្លាំងអាចសម្រេច បានលទ្ធផលយ៉ាងឆាប់រហ័ស។
សារព័ត៌មាន Roya news នៅថ្ងៃទី២៧.០៤.២០២៦។
លោក Alexey Pushkov ប្រធានគណៈកម្មការគោលនយោបាយព័ត៌មាននៃក្រុមប្រឹក្សាសហព័ន្ធរុស្ស៊ី បានប្រាប់ទីភ្នាក់ងារសារព័ត៌មាន TASS ថា វិធីសាស្រ្តរបស់សហរដ្ឋអាមេរិក អាចត្រូវបានជះឥទ្ធិពល ដោយបទពិសោធន៍របស់ខ្លួន នៅក្នុងប្រទេសវេណេស៊ុយអេឡា។
«ការចាប់ជំរិត ប្រធានាធិបតីវេណេស៊ុយអេឡា Nicolas] Maduro និងប្រតិកម្មខ្សោយចំពោះវាពីប្រជាជនវេណេស៊ុយអេឡា ។
ដែលបានជ្រើសរើសទទួលយកលក្ខខណ្ឌរបស់អាមេរិក សម្រាប់ការគ្រប់គ្រងការនាំចេញប្រេងរបស់វេណេស៊ុយអេឡា ។
បានបញ្ចុះបញ្ចូលគាត់
Trump ថា ប្រតិបត្តិការយោធាវះកាត់ជាក់លាក់គឺជាឧបករណ៍ដ៏ល្អសម្រាប់បង្ខំរបបបរទេសឱ្យមានឥរិយាបទដូចដែលអាមេរិកពេញចិត្ត» សមាជិកព្រឹទ្ធសភារូបនេះ បាននិយាយ។
បន្ទាប់ពីនេះ លោក Trump ហាក់ដូចជាបានសម្រេចចិត្តថា អ្វីមួយស្រដៀងគ្នានេះអាចធ្វើបាននៅក្នុងប្រទេសអ៊ីរ៉ង់។
លោក Pushkov បានបន្ថែមថា ម្យ៉ាងវិញទៀត អ៊ីរ៉ង់បានរៀបចំខ្លួនយ៉ាងល្អសម្រាប់ជម្លោះជាមួយសហរដ្ឋអាមេរិក ដោយបានផ្លាស់ប្តូរ«ទីតាំងមីស៊ីលស្ទើរតែទាំងអស់របស់ពួកគេទៅក្រោមដី ជាកន្លែងដែលពិបាកទៅដល់បំផុត»និងកសាងឃ្លាំងអាវុធមីស៊ីល និងយន្តហោះគ្មានមនុស្សបើកដែលមានចំនួនរាប់ម៉ឺនគ្រឿង៕
លោកបានមានប្រសាសន៍ថា «ហើយពួកគេបានធ្វើការលើរឿងទាំងអស់នេះអស់រយៈពេលជាយូរមកហើយ ដោយរៀបចំទាំងផ្នែកសេដ្ឋកិច្ច និងនិយាយឱ្យចំទៅ គឺអត្ថិភាព»៕