រុស្ស៊ី វាយប្រហារលើអ៊ុយក្រែន បណ្តាលឱ្យស្លាប់ម្នាក់និងជាច្រើននាក់រងរបួស។ ប្រធានាធិបតី Volodymyr Zelenskyy បានបញ្ជាក់ថា រុស្ស៊ីបានបាញ់ដ្រូនប្រហែល 210គ្រឿង ក្នុងនោះមានជាច្រើនជាប្រភេទ Shahed ដែលប្រើសម្រាប់វាយប្រហារគោលដៅស៊ីវិល និងហេដ្ឋារចនាសម្ព័ន្ធសំខាន់ៗ។
ប្រភពពីសារព័ត៌មានAnadolu Agency នៅថ្ងៃទី១ខែមេសា។
ការវាយប្រហារបានប៉ះពាល់ដល់តំបន់ជាច្រើន រួមមាន Odesa, Kharkiv, Sumy និង Zaporizhzhia។ នៅតំបន់ Odesa ហេដ្ឋារចនាសម្ព័ន្ធកំពង់ផែ និងអគារលំនៅដ្ឋានត្រូវបានខូចខាត ខណៈមនុស្សយ៉ាងហោចណាស់ពីរនាក់រងរបួស។
លោក Zelenskyy បានអំពាវនាវឱ្យអឺរ៉ុបបង្កើនសម្ពាធលើរុស្ស៊ី ដោយលើកឡើងថា ការវាយប្រហារបន្តបន្ទាប់លើហេដ្ឋារចនាសម្ព័ន្ធថាមពល និងតំបន់ស៊ីវិល បង្ហាញថាត្រូវការទណ្ឌកម្ម និងសកម្មភាពបន្ថែម ដើម្បីធ្វើឱ្យរុស្ស៊ីចុះខ្សោយ និងការពារសន្តិសុខនៅអឺរ៉ុប៕