ក្រសួងការពារជាតិសហរដ្ឋអាមេរិក បានចាប់ផ្តើមបញ្ចេញឯកសារនិងរូបភាពថ្មីៗពាក់ព័ន្ធនឹងបាតុភូតមិនប្រក្រតីដែលមិនស្គាល់អត្តសញ្ញាណ ឬUAP (UFO) ដែលរដ្ឋាភិបាលអាមេរិករក្សាទុកជាយូរមកហើយ។
ប្រភពពីសារព័ត៌មានTRT នៅថ្ងៃទី៩ខែឧសភា។
ឯកសារថ្មីទាំងនេះមានការពិពណ៌នាអំពីវត្ថុអាថ៌កំបាំងជាច្រើន ដូចជា ពន្លឺភ្លឺចែងចាំងនៅលំហអាកាស វត្ថុហោះដែលអាចបត់បាន ៩០ ដឺក្រេក្នុងល្បឿនលឿន និងបាល់ពន្លឺដែលហាក់ដូចជាបង្វិលលើមេឃ។
រដ្ឋមន្ត្រីការពារជាតិ Pete Hegseth បាននិយាយថា ឯកសារទាំងនេះត្រូវបានរក្សាសម្ងាត់អស់ជាច្រើនឆ្នាំ និងបានបង្កឱ្យមានការសង្ស័យជាច្រើនក្នុងសាធារណៈ ហើយឥឡូវនេះដល់ពេលដែលប្រជាជនអាមេរិកអាចមើលឃើញដោយខ្លួនឯង៕