ក្រសួងរតនាគារសហរដ្ឋអាមេរិក បានប្រកាសដាក់ទណ្ឌកម្មលើបុគ្គលនិងក្រុមហ៊ុនចំនួន១០រួមមានក្រុមហ៊ុននៅប្រទេសចិន និងហុងកុង ដោយចោទថាពួកគេបានជួយអ៊ីរ៉ង់ក្នុងការផ្គត់ផ្គង់សម្ភារៈ និងបច្ចេកវិទ្យាសម្រាប់ផលិតដ្រូនShahed និងមីស៊ីលផ្លោង។
ប្រភពពីសារព័ត៌មានReuter នៅថ្ងៃទី៩ខែឧសភា។
វិធានការនេះកើតឡើង ខណៈសង្គ្រាមរវាងអ៊ីរ៉ង់ និងសហរដ្ឋអាមេរិកនៅតែតានតឹង ហើយកិច្ចចរចាសន្តិភាពមិនទាន់មានវឌ្ឍនភាពច្បាស់លាស់។ រដ្ឋាភិបាលអាមេរិកបានបញ្ជាក់ថា ខ្លួននឹងបន្តដាក់ទណ្ឌកម្មលើបណ្តាញអាជីវកម្ម ឬស្ថាប័នហិរញ្ញវត្ថុបរទេសណាដែលជួយដល់វិស័យយោធារបស់អ៊ីរ៉ង់។
មន្ត្រីអាមេរិកនិយាយថា គោលដៅនៃទណ្ឌកម្មនេះ គឺដើម្បីទប់ស្កាត់អ៊ីរ៉ង់មិនឱ្យស្ដារសមត្ថភាពផលិតអាវុធឡើងវិញ និងកាត់បន្ថយសមត្ថភាពគំរាមកំហែងដល់នាវាដឹកទំនិញ និងសម្ព័ន្ធមិត្តអាមេរិកនៅតំបន់មជ្ឈិមបូព៌ា៕