ទាហានយេម៉ែន ជាច្រើនកំពុងប្រឈមការលំបាកផ្នែកជីវភាព ដោយសារប្រាក់ខែត្រូវបានពន្យារពេលជាបន្តបន្ទាប់ ខណៈតម្លៃរូបិយប័ណ្ណយេម៉ែនធ្លាក់ចុះធ្វើឱ្យប្រាក់ខែមានតម្លៃកាន់តែតិច។
ប្រភពពីសារព័ត៌មានAl Jazeera នៅថ្ងៃទី៩ខែឧសភា។
ទាហានយេម៉ែនរកបានប្រហែល៦០,០០០ ទៅ ១៨០,០០០ រៀលយេម៉ែនក្នុងមួយខែ ស្មើប្រហែល ៣៨ ដុល្លារ ទៅ ១១៦ ដុល្លារប៉ុណ្ណោះ។ ប៉ុន្តែការធ្លាក់តម្លៃប្រាក់រៀល និងការយឺតយ៉ាវក្នុងការបើកប្រាក់ខែ បានធ្វើឱ្យទាហានជាច្រើនត្រូវខ្ចីប្រាក់ដើម្បីរស់នៅប្រចាំថ្ងៃ។
ប្រភពយោធាបានបញ្ជាក់ថា កងទ័ពយេម៉ែនមានចន្លោះពី ១៨០,០០០ ដល់ ២២០,០០០ នាក់ ប៉ុន្តែមានតែ ៣០% ទៅ ៤០% ប៉ុណ្ណោះដែលកំពុងបម្រើការនៅជួរមុខ ខណៈអ្នកផ្សេងទៀតស្ថិតក្នុងតួនាទីគាំទ្រ និងយាមការពារ។
ទោះជាប្រឈមបញ្ហាហិរញ្ញវត្ថុធ្ងន់ធ្ងរ ក៏ទាហានជាច្រើននៅតែបន្តឈរជើង និងបំពេញភារកិច្ចរបស់ពួកគេនៅតាមសមរភូមិ៕