(សៀមរាប)៖ ប្រជាពលរដ្ឋបានសម្ដែងការឈឺចាប់ ដោយលើកឡើងថា អាជ្ញាធរនិងមន្ត្រីជំនាញស្រុកអង្គរជុំ ខេត្តសៀមរាប បានគប់គិតគ្នាជាប្រព័ន្ធ លួចធ្វើ(ប្លង់)រំលោភយកដីរបស់គាត់ មកធ្វើសាលាឃុំចារឈូកទាំងបំពាន! ខណៈគាត់ដើរប្ដឹងសឹងគ្រប់កន្លែងនៅតែមិនបានផល.!!។
*ករណីនេះអាជ្ញាធរឃុំនិងមន្ត្រីជំនាញ ទទួលស្គាល់ថា ដីតែ១ប៉ុន្តែមានប្លង់២ជាន់គ្នា..!!។
*សូមជម្រាបថា ដីដែលពលរដ្ឋកំពុងប្ដឹងតវ៉ាយ៉ាងក្ដៅគគុកនេះទំហំ.៣.៣១៣ម៉ែត្រការ៉េ ស្ថិតក្នុងភូមិដូនស្វា ឃុំចារឈូក ស្រុកអង្គរជុំ ខេត្តសៀមរាប ក្នុងនោះដីដែលសាលាឃុំ កំពុងកាន់កាប់និងប្រើប្រាស់ជាក់ស្ដែង ទំហំប្រហែល ៣០ម៉ែត្រគុណនិង៣០ម៉ែត្រ.!។
*ទាក់ទិនរឿងនេះលោក ស្មៀន រចនា អាយុ៤២ឆ្នាំ នៅភូមិដូនស្វា ឃុំចារឈូក បានអះអាងប្រាប់”ដើមរាំង”ថា ដីសាលាឃុំចារឈូក គឺពិតជាដីរបស់ឪពុកខ្លួនឈ្មោះ ស្មៀន ឆុំ ដែលទទួលបានពីម្ចាស់កម្មសិទ្ធិឈ្មោះ ស្មៀន ម៉ន ប្រាកដមែន ដោយមានប័ណ្ណកម្មសិទ្ធិប្លង់(ស្លាបមាន់)។
លុះក្រោយមក ស្រាប់តែអាជ្ញាធរគប់គិតគ្នា លួចធ្វើប្លង់១ទៀត ដាក់ថា ដីនេះជាដីរបស់សាលាឃុំ.ទៅវិញ..!។
*លោក ស្មៀន រចនា
ប៉ុន្តែដោយសារ.សាលាឃុំចារឈូក ពុំមានដី ហើយធ្វើការនៅក្នុង”វត្តចារឈូក”។ នៅឆ្នាំ១៩៨៤ លោក គ្រុឌ ថាន
តំណាងឲ្យរដ្ឋអំណាចឃុំ ក៏បានខ្ចីដីនេះពីឈ្មោះ ស្មៀន ម៉ន ដាក់ស្នាក់ការដើម្បីធ្វើការជាបណ្ដោះអាសន្ន.!ហើយក៏រើស្នាក់ការឈើចេញពីវត្ត មកធ្វើការលើដីនេះ.!!។
រហូតឆ្នាំ១៩៩២ ឈ្មោះ ស្មៀន ម៉ន ក៏ទទួលបានប្លង់(ស្លាបមាន់)ខណៈរូបគាត់.ជាម្ចាស់ដីតាំងពីដើមមក.!។
បន្ទាប់មកទៀតឈ្មោះ ស្មៀន ម៉ន ក៏បានធ្វើការបែងចែក និងប្រគល់ដី១ផ្នែកត្រង់ចំណុចសាលាឃុំ ឱ្យឈ្មោះ ស្មៀន ឆុំ ដែលជាប្អូននិងត្រូវជាឪពុករបស់លោក ស្មៀន រចនា.!។
ជាមួយគ្នានោះឈ្មោះ ស្មៀន ឆុំ និងប្រពន្ធឈ្មោះ ពៅ ឌន់ ពុំបានអាស្រ័យផលជាក់ស្ដែងទេ ព្រោះដីនោះមន្ត្រីសាលាឃុំ កំពុងធ្វើការរាល់ថ្ងៃ..!
*លោក ស្មៀន រចនា បន្តទៀតថា នៅឆ្នាំ១៩៩៥ ស្រាប់តែអាជ្ញាធរនិងលោក ហឿល សារួន ប្រធានភូមិបាលស្រុកអង្គរជុំ បានគប់គិតគ្នា លួចយកដីនេះទៅធ្វើ(ប្លង់)ឱ្យក្លាយជាសម្បត្តិសាធារណៈទាំងបំពាន!។
ក្រោយជួបរឿងហួសចិត្តបែបនេះ នៅឆ្នាំ១៩៩៨ ដល់ឆ្នាំ២០០០ ក្រុមគ្រួសាររបស់លោក បានប្ដឹងតវ៉ារហូត ប៉ុន្តែមិនបានផល ទើបកើតជាទំនាស់រ៉ាំរ៉ៃ មកដល់ពេលនេះ.!។
បើតាមលោក ស្មៀន រចនា ក្រោយពេលឪពុករបស់លោក ឈ្មោះ ស្មៀន ឆុំ ទទួលមរណភាព.!។
អាជ្ញាធរឃុំចារឈូក ក៏បានឆ្លៀតឱកាស ស្នើទៅថ្នាក់លើ ដើម្បីសាងសង់អគារសាលាឃុំថ្មី នៅលើដីទំនាស់មួយនេះតែម្ដង.!។
ទន្ទឹមនិងនោះ ម្ដាយរបស់លោកឈ្មោះ ពៅ ឌន់ ក៏បានប្ដឹងទប់ស្កាត់ជាហូហែរ បែរជាគ្មានដំណោះស្រាយ រហូតអគារសាលាឃុំ.ត្រូវសាងសង់រួចរាល់.!។
លោក ស្មៀន រចនាបញ្ជាក់ទៀតថា ខ្លួននិងម្ដាយមិនអស់សង្ឃឹមឡើយ ដោយបន្តប្ដឹងផ្ដល់រហូតសព្វថ្ងៃ ដើម្បីទាមទារយកដីរបស់ខ្លួនមកវិញ.!។
ខណៈរដ្ឋបាលស្រុក.រុញទៅខេត្ត.ខេត្តរុញមកស្រុក.បណ្ដាក់គ្នាដូចខ្យង.គ្មានដំណោះស្រាយណាមួយ ដែលអាចទទួលយកបាននោះទេ.!!។
*ដើម្បីឱ្យមានចម្លើយទាំងសងខាងនៅថ្ងៃទី១៨.០៥.២០២៦”ដើមរាំង”បានសុំការបំភ្លឺពីលោកស្រី លិវ សុខប មេឃុំចារឈូក
ដោយលោកស្រីថ្លែងទទួលស្គាល់ថា ដី១កន្លែងនេះមានប្លង់២ផ្សេងគ្នា.!។
-ចំពោះសំណួរថា តើប្រវត្តិដីសាលាឃុំខាងលើ បានមកពីណាឱ្យប្រាកដ.?។
-ត្រង់ចំណុចនេះលោកស្រីមេឃុំ បានឆ្លើយថា ខ្ញុំមិនដឹងទេ គឺអនុវត្តទៅតាម(ប្លង់)ប៉ុណ្ណោះ។
លោកស្រី លិវ សុខប អះអាងថា ដីសាលាឃុំចារឈូក គឺនៅក្រៅ(ប្លង់)របស់ឈ្មោះ ស្មៀន ម៉ន។ ហើយដីនេះ មានទំនាស់រ៉ាំរ៉ៃយូរឆ្នាំហើយ តាំងពីអំឡុងឆ្នាំ១៩៩០រហូតសព្វថ្ងៃ.!។
*លោក ផន ម៉ា ប្រធានការិយាល័យរៀបចំដែនដី នគរូបនីយកម្ម សំណង់និងភូមិបាលស្រុកអង្គរជុំ
បានថ្លែងថា ប្រវត្តិដីនេះ ខ្ញុំមិនច្បាស់ទេព្រោះខ្ញុំមកក្រោយ..!។
ក្នុងនោះលោក ផន ម៉ា ក៏ទទួលស្គាល់ដែរថា ដីសាលាឃុំចារឈូក គឺមានប្លង់២ផ្សេងគ្នា!។
បើតាមលោក ផន ម៉ា (ប្លង់)ទី១៖ ជាដីកម្មសិទ្ធិឈ្មោះ ស្មៀន ម៉ន។
(ប្លង់)ទី២៖ ដីកម្មសិទ្ធិសាធារណៈរបស់សាលាឃុំ.!។
*រីឯលោក ភន់ សុខុម
អភិបាលស្រុកអង្គរជុំ
បានរុញឱ្យទៅសួរ លោកអភិបាលរងស្រុក តាមរយៈលេខ0888826288។
ក្នុងនោះលោកអភិបាលរង បានថ្លែងថា ដីនោះក្នុងស្ថានភាពមិនច្បាស់ទីតាំងនិងព្រំប្រទល់.!។
-ចំពោះសំណួរថា តើប្រវត្តិដីនេះបានខ្ចីពីឈ្មោះ ស្មៀន ម៉ន ដើម្បីធ្វើសាលាឃុំដែរឬទេ..?។
-លោកអភិបាលរង បានឆ្លើយថា នោះជារឿងពីមុន ខណៈកូនរបស់ឈ្មោះ ស្មៀន ម៉ន ដែលជាម្ចាស់(ដីដើម)ពុំបានតវ៉ាទាមទារយកទៅវិញឡើយ។
លោកអភិបាលរង បន្តថា អ្នកដែលប្ដឹងតវ៉ា គឺលោក ស្មៀន រចនា ត្រូវជាក្មួយម្ចាស់ដីប៉ុណ្ណោះ ពុំមែនជាកូនឬទាយាទដែលត្រូវស្នងមរតក ពីឈ្មោះ ស្មៀន ម៉ន នោះទេ.!។
បើតាមលោកអភិបាលរងស្រុក ប្រសិនបើអ្នកតវ៉ាឈ្មោះ ពៅ ឌន់ ជាប្រពន្ធរបស់ឈ្មោះ ស្មៀន ម៉ន ឬលោក ស្មៀន រចនា ជាកូនបង្កើតវិញ យើងដាច់ខាត! ត្រូវតែដោះស្រាយជូនពួកគាត់មិនខាន!។
ប៉ុន្តែនេះអ្នកទាំង២ ត្រឹមតែជាប្អូនថ្លៃ និងក្មួយប៉ុណ្ណោះ..!។
*ចំណែកលោក ហ៊ី សាយ ប្រធានមន្ទីររៀបចំដែនដី នគរូបនីយកម្ម សំណង់និងសុរិយោដី ខេត្តសៀមរាប
បានថ្លែងថា ខ្ញុំមិនដឹងទេ សូមសួរទៅលោកអភិបាលស្រុក.!។
*ចំពោះលោក លី វណ្ណៈ អ្នកនាំពាក្យរដ្ឋបាលខេត្តសៀមរាប
បានថ្លែងប្រាប់”ដើមរាំង”ថា លោកមិនច្បាស់ទេ ចាំមើលលោកសួរនាំមន្ត្រីជំនាញ និងអាជ្ញាធរស្រុកសិន.!។
*ដោយឡែកលោក គ្រុឌ ថាន អាយុ៧៩ឆ្នាំ នៅភូមិដូនស្វា ឃុំចារឈូកបានថ្លែងទទួលស្គាល់ថា កាលពីអំឡុងឆ្នាំ១៩៨៤ រូបលោកជារដ្ឋអំណាច!។
គឺពិតជាបានខ្ចីដីឈ្មោះ ស្មៀន ម៉ន ធ្វើស្នាក់ការឃុំ និងបាននាំគ្នាសែងស្នាក់ការឃុំ ដែលធ្វើអំពីឈើ ចេញពីវត្តចារឈូក មកដាក់លើដីរបស់ឈ្មោះ ស្មៀន ម៉ន ដើម្បីធ្វើការបណ្ដោះអាសន្ន ប្រាកដមែន.!។
លោក គ្រុឌ ថាន បញ្ជាក់ថា ក្នុងនាមខ្ញុំជារដ្ឋអំណាចសម័យនោះ សូមអះអាងថា ដីសាលាឃុំចារឈូកបច្ចុប្បន្ន គឺពិតជាដីរបស់ឈ្មោះ ស្មៀន ម៉ន ដែលបានប្រគល់ឱ្យប្អូនឈ្មោះ ស្មៀន ឆុំ ត្រូវជាឪពុករបស់លោក ស្មៀន រចនា ប្រាកដមែន.!។
*ទោះជាយ៉ាងណាក៏ដោយលោក ស្មៀន រចនា រួមនិងម្ដាយឈ្មោះ ពៅ ឌន់
សុំស្នើយ៉ាងទទូចដល់ឯកឧត្ដម ប្រាក់ សោភ័ណ អភិបាលខេត្តសៀមរាប
ឯកឧត្តមកិត្តិនីតិកោសលបណ្ឌិត ឱម យ៉ិនទៀង ទេសរដ្ឋមន្ត្រី ប្រធានអង្គភាពប្រឆាំងអំពើពុករលួយ
ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្មនិងសំណង់
ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ
ជាពិសេសសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា មេត្តាចាត់វិធានការលើមន្ត្រីខិលខូច ជុំវិញការកសាងប័ណ្ណកម្មសិទ្ធិត្រួតគ្នា មានភាពមិនប្រក្រតី បង្កជាទំនាស់រ៉ាំរ៉ៃ និងសុំជួយដោះស្រាយ ដើម្បីផ្ដល់យុត្តិធម៌ ឱ្យពួកខ្លួនដោយក្ដីអនុគ្រោះ៕
