អ៊ីរ៉ង់បានប្រកាសបង្កើតស្ថាប័នថ្មីមួយ ដើម្បីគ្រប់គ្រងច្រកសមុទ្រ Hormuz ដែលជាផ្លូវដឹកប្រេង និងឧស្ម័នសំខាន់របស់ពិភពលោក។ អាជ្ញាធរថ្មីនេះនឹងផ្តល់ព័ត៌មានអំពីស្ថានភាព និងប្រតិបត្តិការនៅក្នុងច្រកសមុទ្រ។
ប្រភពពីសារព័ត៌មានAnadolu Agency នៅថ្ងៃទី១៨ខែឧសភា។
មន្ត្រីអ៊ីរ៉ង់បាននិយាយថា នាវាពាណិជ្ជកម្ម ឬប្រទេសដែលសហការជាមួយអ៊ីរ៉ង់ នឹងទទួលបានសេវាកម្មពិសេស និងអាចត្រូវបង់ថ្លៃសេវាផងដែរ។
ការប្រកាសនេះកើតឡើង ខណៈភាពតានតឹងរវាងអ៊ីរ៉ង់ និងសហរដ្ឋអាមេរិកកំពុងបន្ត បន្ទាប់ពីសង្គ្រាមបានផ្ទុះឡើងកាលពីខែកុម្ភៈ និងមានការបិទច្រកសមុទ្រ Hormuz ដែលប៉ះពាល់ដល់ការដឹកជញ្ជូនប្រេង និងពាណិជ្ជកម្មពិភពលោក៕
