ប្រធានាធិបតីអាមេរិក លោក Donald Trump បាននិយាយថា លោកបានលុបចោលការវាយប្រហារធំមួយលើអ៊ីរ៉ង់ ដែលគ្រោងធ្វើនៅថ្ងៃអង្គារ ដោយសារតែមានការចរចាសន្តិភាពកំពុងដំណើរការ។
ប្រភពពីសារព័ត៌មានAP នៅថ្ងៃទី១៩ខែឧសភា។
លោក Trump បញ្ជាក់ថា ប្រទេសសម្ព័ន្ធមិត្តនៅតំបន់ឈូងសមុទ្រ បានស្នើឱ្យអាមេរិករង់ចាំពីរ ទៅបីថ្ងៃសិន ព្រោះពួកគេជឿថា ជិតឈានដល់កិច្ចព្រមព្រៀងជាមួយអ៊ីរ៉ង់ហើយ។
លោកបាននិយាយថា ប្រសិនបើអាចដោះស្រាយបញ្ហាបានដោយមិនចាំបាច់វាយប្រហារ លោកនឹងរីករាយខ្លាំង។ ទោះយ៉ាងណា លោកក៏ព្រមានថា ប្រសិនបើអ៊ីរ៉ង់មិនព្រមធ្វើកិច្ចព្រមព្រៀងទេ សង្គ្រាមអាចផ្ទុះឡើងវិញបានគ្រប់ពេល៕
