(កណ្តាល)៖ បន្ទាប់ពីប្រព័ន្ធផ្សព្វផ្សាយមួយចំនួន បានរិៈគន់និងចោទប្រកាន់ថា ឈ្មួញអ្នកមានលុយ! ចាក់ដីលុបប្រឡាយ រំលោភយកធ្វើជាកម្មសិទ្ធិ ត្រង់ចំណុចខាងត្បូងផ្លូវជាតិលេខ១ ស្ថិតនៅភូមិព្រែកត្រែង២ ឃុំសំរោងធំ ស្រុកកៀនស្វាយ ខេត្តកណ្ដាល នោះមក.!។
ឥឡូវ៖ ម្ចាស់ដីស្របច្បាប់ បានចេញមុខបំភ្លឺ និងបដិសេធចោលរាល់ការចោទប្រកាន់ទាំងអស់.!!។
*ថ្លែងប្រាប់”ដើមរាំង”នៅថ្ងៃទី២០.០៥.២០២៦ លោកស្រី យៀង លីណា នៅភូមិព្រែកត្រែង២ ឃុំសំរោងធំ
ពោលគឺ លោកស្រី ចាក់ដីនិងគ្រប់គ្រងដីទៅតាមប្លង់កម្មសិទ្ធិស្របច្បាប់ប៉ុណ្ណោះ.!។
*លោកស្រី បញ្ជាក់ថា
ដីដែលនាងខ្ញុំចាក់ត្រង់ចំណុចខាងលើ គឺជាដីកម្មសិទ្ធិស្របច្បាប់របស់នាងខ្ញុំ.ដែលមាន”វិញ្ញាបនបត្រសម្គាល់ម្ចាស់អចលនវត្ថុ”លេខ៖ ០៨០២១១១១-០៥៩៤។
បើតាមលោកស្រី យៀង លីណា ដីកម្មសិទ្ធិខ្លួនមួយកន្លែងនេះ មានទីតាំងចំពីមុខលូ.ដែលគេដាក់បង្កប់ក្រោមផ្លូវជាតិ.!។
ហេតុនេះ សម្រាប់អ្នកមិនយល់ ឬមើលតែមួយភ្លែត ដោយពុំបានសិក្សាឱ្យច្បាស់លាស់។
គឺអាចច្រឡំថា លោកស្រី រំលោភយកដីប្រឡាយ និងចាក់ដីលុបប្រឡាយដើម្បីធ្វើជាកម្មសិទ្ធិ!។
តាមពិតទៅប្រវត្តិនៃដីនេះ ពីមុនមកពុំមានប្រឡាយនោះទេ គឺគ្រាន់តែមានលូ.បង្កប់ក្រោមផ្លូវ.ហើយផុតពីមាត់លូ.គឺចំណីផ្លូវ លុះផុតចំណីផ្លូវទៀត ជាដីរបស់លោកស្រីតែម្ដង.!។
លោកស្រី បញ្ជាក់ទៀតថា ដោយសារកន្លងមក ខ្លួនទុកដីនេះចោល ទំនាបដូចអូរនិងដុះព្រៃល្បះ ហើយនៅពេលលោកស្រី ចូលកាន់កាប់និងចាក់ដីជាក់ស្ដែង។
បែរជាអ្នកមិនដឹងរឿងច្រឡំថា លោកស្រី រំលោភយកប្រឡាយទៅវិញ.!នេះជារឿងដែលហួសចិត្ត មិនអាចទទួលយកបាន.!។
*ការចុះផ្សាយតាមរយៈសារព័ត៌មាន”ដើមរាំង”នៅពេលនេះចាត់ទុកជាការជូនដំណឹងនិងបំភ្លឺ ដើម្បីជៀសវាងកុំឱ្យអ្នកសារព័ត៌មាន ក៏ដូចជាសាធារណៈជន មានការភ័ន្តច្រឡំតទៅទៀត។
*បន្ថែមពីនេះលោក ជ័យ សំអាន មេឃុំសំរោងធំ
បានថ្លែងប្រាប់”ដើមរាំង”ថា ដីត្រង់ចំណុចខាងលើ គឺពិតជាដីកម្មសិទ្ធិរបស់ឈ្មោះ យៀង លីណា ប្រាកដមែនបន្ទាប់ពីចំណីផ្លូវ។
លោកមេឃុំ បន្តថាប្រវត្តិដីនេះ កាលពីឆ្នាំ១៩៧៩ ក្រុមសាមគ្គីបានធ្វើការបែងចែកជូនពលរដ្ឋ.លុះដល់ឆ្នាំ១៩៩៦ មានការធ្វើផ្លូវជាតិលេខ១ ក៏មានការដាក់លូ.បង្កប់ក្រោមផ្លូវ។
ប៉ុន្តែពុំមានទឹកហូរខ្លាំង ឬជាផ្លូវទឹកសំខាន់អ្វីឡើយ ខណៈផុតពីចំណីផ្លូវទៅជាដីកម្មសិទ្ធិពលរដ្ឋ។
បើតាមលោកមេឃុំ លោកស្រី យៀង លីណា ពុំបានរំលោភយកដីសាធារណៈនោះទេ ប៉ុន្តែបានចាក់ដីហៀរមកលើចំណីផ្លូវខ្លះៗ ព្រោះជាតម្រូវការរបស់ពលរដ្ឋ ដែលមានក្បាលដីជាប់ចំណីផ្លូវ និងជាប់ផ្លូវជាតិ។
រីឯលោក ឡូវ សុខសាន អភិបាលស្រុកកៀនស្វាយ បានថ្លែងប្រាប់”ដើមរាំង”ថា ការចាក់ដីត្រង់ចំណុចខាងលើ គឺម្ចាស់កម្មសិទ្ធិអនុវត្តទៅតាមប្លង់រឹងប៉ុណ្ណោះ ដោយពុំបានទន្ទ្រានរំលោភយកដីសាធារណៈនោះទេ!។
លោក ឡូវ សុខសាន បន្តថា ប្រសិនបើការចាក់ដីមួយកន្លែងនេះ មិនស្របច្បាប់ ឬគ្មានប័ណ្ណកម្មសិទ្ធិ(ប្លង់រឹង) រដ្ឋបាលស្រុកកៀនស្វាយ នឹងចាត់វិធានការមិនខានឡើយ៕
