អាជ្ញាធរអ៊ីរ៉ង់ បានប្រហារជីវិតបុរសម្នាក់ឈ្មោះ Abbas Akbari Feyzabadi ដែលត្រូវបានចោទថា បានចូលរួមក្នុងការតវ៉ាទូទាំងប្រទេសកាលពីខែមករា និងធ្វើសកម្មភាពប្រដាប់អាវុធនៅខេត្តIsfahan។
ប្រភពពីសារព័ត៌មានIran International នៅថ្ងៃទី២៥ខែឧសភា។
តាមរបាយការណ៍តុលាការ Mizan News លោកត្រូវបានកាត់ទោសពីបទអរិភាពប្រឆាំងនឹងព្រះនិងការឃុបឃិតប្រឆាំងសន្តិសុខជាតិ។
អាជ្ញាធរអ៊ីរ៉ង់អះអាងថា លោកបានដឹកនាំក្រុមប្រដាប់អាវុធអំឡុងការតវ៉ា ថ្ងៃទី ៨ និង ៩ ខែមករា ហើយបានវាយប្រហារការិយាល័យអភិបាលក្រុងនៅទីក្រុង Naein ព្រមទាំងបាញ់ទៅលើកងកម្លាំងសន្តិសុខផងដែរ៕
