នាវាដឹកឧស្ម័ន LPG ឈ្មោះ Meda ដែលមានទង់ជាតិម៉ូសំប៊ិក និងមាននាវិកជាជនជាតិឥណ្ឌា២៨នាក់ ត្រូវបានវាយប្រហារនៅក្នុងដែនទឹកអ៊ីរ៉ង់ ក្បែរច្រកសមុទ្រ Hormuz កាលពីថ្ងៃសុក្រ។
ប្រភពពីសារព័ត៌មានAnadolu Agency នៅថ្ងៃទី២៥ខែកក្កដា។
ស្ថានទូតឥណ្ឌាប្រចាំប្រទេសអ៊ីរ៉ង់បានបញ្ជាក់ថា នាវិកឥណ្ឌាទាំង ២៨នាក់មានសុវត្ថិភាព ហើយអាជ្ញាធរឥណ្ឌាកំពុងទាក់ទងជាមួយភាគីពាក់ព័ន្ធ ដើម្បីតាមដានស្ថានការណ៍។
ហេតុការណ៍នេះកើតឡើង ខណៈភាពតានតឹងរវាង អាមេរិក និងអ៊ីរ៉ង់ កំពុងកើនឡើង ដែលបានបង្កការរំខានដល់ការដឹកជញ្ជូនតាមច្រកសមុទ្រ Hormuz និងបង្កការព្រួយបារម្ភអំពីការផ្គត់ផ្គង់ថាមពលនៅទូទាំងពិភពលោក៕
