កងទ័ពអ៊ីស្រាអែលបានរាយការណ៍ថា មានការបាញ់រ៉ុក្កែតចេញពីប្រទេសលីបង់ ចូលទៅកាន់ភាគខាងជើងអ៊ីស្រាអែល។ រ៉ុក្កែតខ្លះត្រូវបានស្ទាក់ចាប់បាន ប៉ុន្តែខ្លះនៅតែធ្លាក់ជិតតំបន់គោលដៅ។
ប្រភពពីសារព័ត៌មានAnadolu Agency នៅថ្ងៃទី១ខែមិថុនា។
មុននេះក្រុមហេសបូឡា (Hezbollah) បានអះអាងថា ខ្លួនបានវាយប្រហារយោធាអ៊ីស្រាអែលចំនួន២១លើកក្នុងរយៈពេល២៤ម៉ោង ដោយប្រើរ៉ុក្កែត ដ្រូននិងកាំភ្លើងធំ។
ការប៉ះទង្គិចគ្នានេះកើតឡើងជាបន្តបន្ទាប់រវាងអ៊ីស្រាអែល និងហេសបូឡា ទោះបីមានបទឈប់បាញ់ក៏ដោយ៕
