(ភ្នំពេញ)៖ ក្រោយមានហេតុការណ៍សាឡាង នៃកំពង់ចម្លងស្វាយជ្រំ ប៉ះគ្នាជាមួយសាឡង់ដឹកខ្សាច់ នៅកណ្ដាលទន្លេ កាលពីរសៀលថ្ងៃទី២៦.០៧.២០២៦។
ឥឡូវលោក ផន រឹម អ្នកនាំពាក្យក្រសួងសាធារណការ និងដឹកជញ្ជូន បានប្រកាសថា៖ យើងខ្ញុំមានការសោកស្តាយចំពោះហេតុការណ៍ប៉ះទង្គិចរវាងសាឡាងដឹកអ្នកដំណើរ និងសាឡុងដឹកខ្សាច់ ដោយហេតុថា សាឡាងដឹកអ្នកដំណើរមានបញ្ហាបច្ចេកទេស។
លោក ផន រឹម បន្តថា ទោះបីជាហេតុការណ៍នេះ មិនបណ្តាលឲ្យមានអ្នករងគ្រោះក៏ដោយ ម្ចាស់អាជីវកម្មដរចម្លងត្រូវចេញមុខទទួលខុសត្រូវ ចេញមុខសូមទោស និងសន្យា មិនឲ្យហេតុការណ៍ដូចគ្នានេះកើតឡើងជាថ្មីឡើយ។
*ទោះជាយ៉ាងណាក៏ដោយ មហាជនទូទៅ សុំស្នើឲ្យអាជ្ញាធរ ចាត់វិធានការលើតៃកុងទូកដរ រួមនិងថៅកែកំពង់ចម្លងស្វាយជ្រំ ឱ្យបានរឹងបំផុត..!!។
ព្រោះថា អាយុជីវិតអ្នកដំណើររាប់សិបនាក់នៅលើទូកដរ គឺផ្ញើនៅលើតៃកុងទូកដរ និងម្ចាស់អាជីវកម្មទាំងស្រុង!។ ជៀសវាងការធ្វេសប្រហែស ដូចយកអាយុជីវិត អ្នកដំណើរមកលេងសើច៕
