ក្រសួងការពារជាតិរុស្ស៊ី បានឱ្យដឹងថាកងការពារដែនអាកាសរបស់ខ្លួនបានស្ទាក់ចាប់ និងបាញ់ទម្លាក់ដ្រូនរបស់អ៊ុយក្រែនចំនួន១៧២គ្រឿង ក្នុងអំឡុងយប់ថ្ងៃចន្ទឈានចូលថ្ងៃអង្គារ នៅតំបន់ជាច្រើនទូទាំងប្រទេស ព្រមទាំងលើសមុទ្រ Azov និងសមុទ្រខ្មៅ។
ប្រភពពីសារព័ត៌មានTRT World នៅថ្ងៃទី១៦ខែមិថុនា។
អាជ្ញាធររុស្ស៊ីក៏បានបញ្ជាក់ថា រោងចក្រមួយនៅក្នុងរោងចក្រចម្រាញ់ប្រេងក្បែរទីក្រុងមូស្គូបានរងការខូចខាតពីការវាយប្រហារ។ ទន្ទឹមនឹងនេះ កន្លែងផ្ទុកប្រេងមួយនៅតំបន់ Krasnodar Krai ក៏ត្រូវបានប៉ះពាល់ផងដែរ។
រហូតមកដល់ពេលនេះ មិនទាន់មានសេចក្តីរាយការណ៍អំពីអ្នកស្លាប់ ឬរបួសពីការវាយប្រហារនេះនៅឡើយទេ។ ភាគីអ៊ុយក្រែនក៏មិនទាន់ធ្វើអត្ថាធិប្បាយជាផ្លូវការចំពោះការអះអាងរបស់រុស្ស៊ីដែរ៕
