ប្រទេសកាណាដា បានជ្រើសរើសក្រុមហ៊ុនTKMS របស់អាល្លឺម៉ង់ ដើម្បីចរចាសាងសង់នាវាមុជទឹកថ្មីរហូតដល់១២ គ្រឿង សម្រាប់កងទ័ពជើងទឹករបស់ខ្លួន។
ប្រភពពីសារព័ត៌មានReuter នៅថ្ងៃទី៧ខែកក្កដា។
នាយករដ្ឋមន្ត្រី លោកMark Carney បាននិយាយថា នេះជាគម្រោងទិញសម្ភារៈយោធាដ៏ធំបំផុតមួយក្នុងប្រវត្តិសាស្ត្រកាណាដា។ ប្រសិនបើកិច្ចព្រមព្រៀងត្រូវបានសម្រេច នាវាមុជទឹក ៤ គ្រឿងដំបូង នឹងត្រូវប្រគល់នៅឆ្នាំ២០៣៤។
រដ្ឋាភិបាលកាណាដាបញ្ជាក់ថា ការទិញនាវាមុជទឹកថ្មី មានគោលបំណងពង្រឹងសមត្ថភាពការពារជាតិ ការពារអធិបតេយ្យភាព និងគាំទ្រសម្ព័ន្ធមិត្ត NATO ខណៈស្ថានភាពសន្តិសុខពិភពលោកកាន់តែតានតឹង។ បច្ចុប្បន្ន កាណាដាមាននាវាមុជទឹកដែលអាចប្រើប្រាស់បានតែមួយគ្រឿងប៉ុណ្ណោះ៕
