តម្លៃប្រេងពិភពលោកបានធ្លាក់មកកម្រិតមុន សង្គ្រាមអ៊ីរ៉ង់វិញ បន្ទាប់ពីការផ្គត់ផ្គង់ប្រេងនៅលើទីផ្សារកើនឡើង។
ក្រុមប្រទេសផលិតប្រេង OPEC+ បានសម្រេចបង្កើនការផលិតប្រេង 188,000 បារ៉ែលក្នុងមួយថ្ងៃ ចាប់ពីខែសីហា។ ទន្ទឹមនឹងនេះ អារ៉ាប៊ីសាអូឌីតក៏បានបញ្ចុះតម្លៃលក់ប្រេងទៅកាន់ទីផ្សារអាស៊ី ហើយការដឹកជញ្ជូនប្រេងឆ្លងកាត់ច្រកសមុទ្រ Hormuz ក៏បានវិលមកដំណើរការធម្មតាវិញ។
ប្រភពពីសារព័ត៌មានReuter នៅថ្ងៃទី៧ខែកក្កដា។
នៅថ្ងៃចន្ទ តម្លៃប្រេង Brent បិទនៅ 71.99 ដុល្លារ ក្នុងមួយបារ៉ែល ខណៈប្រេង WTI របស់អាមេរិកបិទនៅ 68.55 ដុល្លារ ក្នុងមួយបារ៉ែល។ អ្នកវិភាគលើកឡើងថា ការកើនឡើងនៃការផ្គត់ផ្គង់បានជួយបន្ថយសម្ពាធលើតម្លៃប្រេង បន្ទាប់ពីធ្លាប់ឡើងខ្ពស់ដោយសារភាពតានតឹងនៅមជ្ឈិមបូព៌ា៕
