អ៊ុយក្រែន បានចុះហត្ថលេខាលើកិច្ចព្រមព្រៀងថ្មីស្តីពីដ្រូនជាមួយប្រទេសអឺរ៉ុបចំនួន ៣រួមមាន អេស្តូនី, ហូឡង់ និង ដាណឺម៉ាក ក្នុងឱកាសកិច្ចប្រជុំកំពូល អង្គការណាតូ នៅទីក្រុង អង់ការ៉ា។
ប្រភពពីសារព័ត៌មានKyiv post នៅថ្ងៃទី៨ខែកក្កដា។
ក្រសួងការពារជាតិអ៊ុយក្រែនបានឱ្យដឹងថា កិច្ចព្រមព្រៀងនេះមានគោលបំណងពង្រឹងការផលិតរួមគ្នា ការច្នៃប្រឌិតបច្ចេកវិទ្យាការពារជាតិ និងការនាំចេញបច្ចេកវិទ្យាដ្រូនដែលត្រូវបានអភិវឌ្ឍ និងសាកល្បងក្នុងសង្គ្រាមជាមួយ រុស្ស៊ី។
ការពង្រីកកិច្ចសហប្រតិបត្តិការនេះបង្ហាញពីការកើនឡើងនៃតួនាទីរបស់អ៊ុយក្រែនក្នុងវិស័យបច្ចេកវិទ្យាយោធា និងការពង្រឹងសមត្ថភាពការពាររួមជាមួយសម្ព័ន្ធមិត្តអឺរ៉ុប៕
