ជនជាតិប៉ាឡេស្ទីនយ៉ាងហោចណាស់៧នាក់បានស្លាប់និងមនុស្សជាច្រើននាក់ទៀតរងរបួស ក្នុងការវាយប្រហារថ្មីៗរបស់អ៊ីស្រាអែលនៅតំបន់ហ្គាហ្សា។
ប្រភពពីសារព័ត៌មានTRT World នៅថ្ងៃទី៨ខែកក្កដា។
ប្រភពវេជ្ជសាស្ត្របានឱ្យដឹងថា ដ្រូនរបស់អ៊ីស្រាអែលបានវាយប្រហារលើរថយន្តស៊ីវិលមួយគ្រឿងនៅទីក្រុងហ្គាហ្សា បណ្តាលឱ្យមនុស្ស ៣ នាក់ស្លាប់ និង ៣ នាក់រងរបួស។
នៅទីក្រុង Khan Younis ការបាញ់ប្រហារ និងការវាយប្រហារដោយដ្រូនរបស់អ៊ីស្រាអែល បានសម្លាប់មនុស្ស៤នាក់ទៀត និងបង្កឱ្យមនុស្សជាច្រើនរងរបួស។
ការវាយប្រហារនេះកើតឡើង ខណៈស្ថានការណ៍នៅហ្គាហ្សានៅតែតានតឹង បើទោះបីមានកិច្ចព្រមព្រៀងឈប់បាញ់កំពុងដំណើរការក៏ដោយ៕
