នៅថ្ងៃទី៨ ខែកក្កដា អាជ្ញាធរចិនបានឱ្យដឹងថា ចំនួនអ្នកស្លាប់ដោយសារការរអិលបាក់ដីនៅខេត្តកានស៊ូ ភាគពាយ័ព្យប្រទេស បានកើនឡើងដល់២១នាក់ បន្ទាប់ពីដីបាក់កប់មនុស្ស៣៣នាក់។ ប្រតិបត្តិការស្វែងរក និងជួយសង្គ្រោះត្រូវបានបញ្ចប់។
ប្រភពពីសារព័ត៌មានCNA។
រដ្ឋាភិបាលចិនបានបែងចែកថវិកា ៣០ លានយ័ន (ប្រហែល ៤,៤ លានដុល្លារ) សម្រាប់ការស្តារឡើងវិញនៅតំបន់រងគ្រោះ។
ទន្ទឹមនឹងនេះ ភ្លៀងធ្លាក់ខ្លាំង និងព្យុះនៅភាគខាងត្បូង និងកណ្តាលប្រទេសចិន ក៏បានសម្លាប់មនុស្សប្រហែល ១៧ នាក់ និងបង្កឱ្យមនុស្សរាប់រយនាក់រងរបួស។ នៅខេត្តហ៊ូប៉ី មនុស្សជាង ៣៣០ នាក់ បានរងរបួស ផ្ទះជាង ២០ ខ្នង បានដួលរលំ និងជិត ៤,៨០០ ខ្នង ផ្សេងទៀតរងការខូចខាត៕
