នៅថ្ងៃទី៨ ខែកក្កដា តម្លៃប្រេងពិភពលោកបានកើនឡើងជាង ២% បន្ទាប់ពីសហរដ្ឋអាមេរិកបង្កើនសម្ពាធលើអ៊ីរ៉ង់ តាមរយៈការវាយប្រហារយោធា និងការដាក់ទណ្ឌកម្មឡើងវិញលើវិស័យប្រេងរបស់អ៊ីរ៉ង់។ ស្ថានភាពនេះបានបង្កការព្រួយបារម្ភថា ការផ្គត់ផ្គង់ប្រេងតាមច្រកសមុទ្រ Hormuz អាចរងការរំខាន។
ប្រភពពីសារព័ត៌មានIndia today។
គិតត្រឹមម៉ោង ៨:០០ ព្រឹក ប្រេងឆៅប្រភេទBrent បានកើនដល់ ៧៦,១៥ ដុល្លារក្នុងមួយបារ៉ែល ខណៈប្រេងឆៅប្រភេទ WTI របស់អាមេរិកបានឡើងដល់ ៧២,៤១ ដុល្លារក្នុងមួយបារ៉ែល។
ក្រុមអ្នកវិភាគបានឱ្យដឹងថា ប្រសិនបើភាពតានតឹងនៅមជ្ឈិមបូព៌ាបន្តកើនឡើង នោះតម្លៃប្រេង និងទីផ្សារថាមពលពិភពលោកអាចបន្តប្រែប្រួលក្នុងរយៈពេលខាងមុខ៕
