ជនជាតិប៉ាឡេស្ទីនយ៉ាងហោចណាស់៤នាក់បានស្លាប់ និងមនុស្សជាច្រើននាក់ទៀតរងរបួស ក្នុងការវាយប្រហាររបស់កងទ័ពអ៊ីស្រាអែលនៅតំបន់ហ្គាហ្សា ដែលត្រូវបានរាយការណ៍ថាជាការរំលោភលើបទឈប់បាញ់ថ្មី។
ប្រភពពីសារព័ត៌មានTRT World នៅថ្ងៃទី២៣ខែកក្កដា។
ប្រភពវេជ្ជសាស្ត្របានឱ្យដឹងថា ជនរងគ្រោះម្នាក់ត្រូវបានសម្លាប់ដោយការវាយប្រហារដ្រូនលើតង់ជនភៀសខ្លួននៅកណ្តាលហ្គាហ្សា ខណៈម្នាក់ទៀតស្លាប់ដោយការបាញ់ប្រហារទៅលើតំបន់ដែលមានតង់ជនភៀសខ្លួននៅជិតខាន់យូនីស។ ជនជាតិប៉ាឡេស្ទីនម្នាក់ទៀតបានស្លាប់ដោយសាររបួសធ្ងន់ពីការវាយប្រហារមុននេះ។
ក្រៅពីនេះ មនុស្សជាច្រើននាក់ទៀតបានរងរបួសដោយសារការវាយប្រហារដ្រូន និងការបាញ់ផ្លោងនៅតំបន់ផ្សេងៗនៃហ្គាហ្សា៕
