អ្នកឡើងភ្នំជនជាតិបូស្នៀ ចំនួន៥នាក់សង្ស័យថា បានស្លាប់នៅលើភ្នំអេលប្រ៊ូសរបស់ប្រទេសរុស្ស៊ី ដែលជាភ្នំខ្ពស់បំផុតនៅអឺរ៉ុប បន្ទាប់ពីជាប់នៅក្នុងព្យុះដ៏ខ្លាំងក្លាមួយ នេះបើយោងតាមសេវាជួយសង្គ្រោះអ្នកឡើងភ្នំជនជាតិបូស្នៀបាននិយាយនៅថ្ងៃអាទិត្យទី២៦.០៧.២០២៦ ខណៈដែលក្រុមជួយសង្គ្រោះរុស្ស៊ីបានបន្តស្វែងរកសាកសព។
សារព័ត៌មាន(រ៉យទ័រ)។
ក្រសួងសង្គ្រោះបន្ទាន់ របស់រុស្ស៊ីបាននិយាយថា ក្រុមជួយសង្គ្រោះបានជួយសង្គ្រោះអ្នកឡើងភ្នំ២នាក់ផ្សេងទៀត។
ដែលត្រូវបានជម្លៀសចេញពីភ្នំ ហើយត្រូវបានបញ្ជូនទៅព្យាបាលនៅមន្ទីរពេទ្យ។
ក្រសួងបាននិយាយថា សាកសពរបស់សមាជិកពីរនាក់ទៀត នៃក្រុមដូចគ្នានេះត្រូវបានគេដាក់នៅលើភ្នំនៅរយៈកម្ពស់5,350 ម៉ែត្រ (17,550 ហ្វីត) ហើយនឹងត្រូវជម្លៀសចេញនៅពេលដែលលក្ខខណ្ឌអាកាសធាតុអនុញ្ញាត។
ក្រសួងបន្ថែមថា ការស្វែងរកសាកសពបីនាក់ផ្សេងទៀតកំពុងបន្ត ដោយមិនបានបញ្ជាក់សញ្ជាតិរបស់ពួកគេ។
ភ្នំអេលប្រ៊ូស ដែលមានកម្ពស់ដល់ទៅ ៥,៦៤២ ម៉ែត្រ (១៨,៥១០ហ្វីត) ភាគខាងជើងនៃព្រំដែនជាមួយរដ្ឋហ្សកហ្ស៊ី គឺជាភ្នំដ៏ល្បីល្បាញដោយសារការប្រែប្រួលអាកាសធាតុភ្លាមៗ និងស្ថានភាពឡើងភ្នំ។
ប្រព័ន្ធផ្សព្វផ្សាយបូស្នៀ បានរាយការណ៍ថា សមាជិកទាំងប្រាំពីរនាក់នៃបេសកកម្មឡើងភ្នំគឺជាអ្នករស់នៅក្នុងទីក្រុងកណ្តាលនៃទីក្រុងហ្សេនីកា ហើយរួមមានគូស្វាមីភរិយាមួយគូ និងវេជ្ជបណ្ឌិតម្នាក់ដែលធ្វើការនៅមន្ទីរពេទ្យក្នុងតំបន់។
ប្រព័ន្ធផ្សព្វផ្សាយរុស្ស៊ីបានរាយការណ៍ថា ស្ថានភាពអាកាសធាតុមិនល្អ រួមទាំងខ្យល់បក់ខ្លាំង បានធ្វើឱ្យស្មុគស្មាញដល់ប្រតិបត្តិការស្វែងរក និងជួយសង្គ្រោះ៕
