រដ្ឋាភិបាលអាល្លឺម៉ង់បានអនុម័តអាជ្ញាបណ្ណនាំចេញអាវុធទៅអ៊ីស្រាអែលមានតម្លៃជិត៨០០លានអឺរ៉ូ ក្នុងរយៈពេល៥ខែដំបូងនៃឆ្នាំ២០២៦ ដែលច្រើនជាងតម្លៃសរុបក្នុងរយៈពេល២០ខែមុន។ ភាគច្រើននៃការអនុម័តនេះបានធ្វើឡើងនៅខែមេសា និងឧសភា។
ប្រភពពីសារព័ត៌មានAl Jazeera នៅថ្ងៃទី២៧ខែកក្កដា។
ជាង៦០ភាគរយ នៃទឹកប្រាក់នេះ ត្រូវបានគេរាយការណ៍ថា សម្រាប់គម្រោងសមុទ្រធំមួយ ដែលអ្នកវិភាគជឿថា អាចពាក់ព័ន្ធនឹងការផ្គត់ផ្គង់ នាវាមុជទឹកផលិតដោយក្រុមហ៊ុន TKMS របស់អាល្លឺម៉ង់ ទៅកងទ័ពជើងទឹកអ៊ីស្រាអែល។
ការកើនឡើងនៃការនាំចេញអាវុធនេះ កើតឡើងក្នុងពេលដែលអាល្លឺម៉ង់នៅតែជាសម្ព័ន្ធមិត្តសំខាន់របស់អ៊ីស្រាអែល ប៉ុន្តែក៏បានបង្ហាញការព្រួយបារម្ភអំពីការខូចខាត និងវិបត្តិមនុស្សធម៌ដែលបណ្តាលមកពីសង្គ្រាមនៅតំបន់ហ្គាហ្សា៕
