ជនជាតិប៉ាឡេស្ទីន៣នាក់ទៀត ត្រូវបានសម្លាប់ និង១១នាក់រងរបួសនៅក្នុងការវាយប្រហាររបស់អ៊ីស្រាអែលនៅហ្គាហ្សា។
ដែលជាការរំលោភចុងក្រោយបំផុតនៃកិច្ចព្រមព្រៀងបទឈប់បាញ់ កំពុងដំណើរការ នេះបើយោងតាមគ្រូពេទ្យ។
សារព័ត៌មានTRT នៅថ្ងៃទី២៨.០៧.២០២៦។
យន្តហោះគ្មានមនុស្សបើករបស់អ៊ីស្រាអែល១គ្រឿង បានបុកម៉ូតូមួយគ្រឿងនៅភាគខាងជើងទីក្រុងJabalia ដោយបានសម្លាប់ជនជាតិប៉ាឡេស្ទីនម្នាក់ និងធ្វើឱ្យមនុស្សបីនាក់ផ្សេងទៀតរងរបួស។
នេះបើយោងតាមប្រភពព័ត៌មានពីគ្រូពេទ្យបានប្រាប់ទីភ្នាក់ងារសារព័ត៌មាន Anadolu។
ប្រភពព័ត៌មាននិយាយថា ជនជាតិប៉ាឡេស្ទីនម្នាក់ទៀត ត្រូវបានសម្លាប់នៅក្នុងការវាយប្រហារ ដោយយន្តហោះគ្មានមនុស្សបើកដែលកំណត់គោលដៅការជួបជុំរបស់ជនស៊ីវិលនៅកណ្តាលទីក្រុង Deir al-Balah។
យន្តហោះគ្មានមនុស្សបើក ក៏បានសម្លាប់ជនជាតិប៉ាឡេស្ទីនម្នាក់ និងធ្វើឱ្យមនុស្សម្នាក់ទៀតរងរបួសនៅជិតស្ពាន Al-Qarara ភាគខាងជើងនៃ Khan Younis នៅភាគខាងត្បូងនៃតំបន់ហ្គាហ្សា។
មនុស្សបីនាក់ បានរងរបួសនៅពេលដែលយានយន្តយោធាអ៊ីស្រាអែលបានបើកការបាញ់ប្រហារទៅលើតង់ដែលផ្តល់ជម្រកដល់ប្រជាជនដែលផ្លាស់ទីលំនៅនៅ al-Mawasi ភាគនិរតីនៃ Khan Younis។
ជនជាតិប៉ាឡេស្ទីនម្នាក់ទៀត បានរងរបួសដោយការបាញ់ប្រហាររបស់អ៊ីស្រាអែលនៅ al-Mawasi ប្រភពព័ត៌មានដដែលបាននិយាយ។
នៅទីក្រុងហ្គាហ្សា ទូកកាំភ្លើងរបស់អ៊ីស្រាអែល បានបើកការបាញ់ប្រហារ និងធ្វើឱ្យអ្នកនេសាទបីនាក់រងរបួសនៅឆ្នេរសមុទ្រនៃទីក្រុង។
បើទោះបីជាមានបទឈប់បាញ់ដែលចូលជាធរមាននៅថ្ងៃទី10 ខែតុលា ឆ្នាំ 2025 ក៏ដោយ។
កងទ័ពអ៊ីស្រាអែលនៅតែបន្តការវាយប្រហារប្រចាំថ្ងៃរបស់ខ្លួននៅក្នុងតំបន់ហ្គាហ្សា ដោយបានសម្លាប់ជនជាតិប៉ាឡេស្ទីន យ៉ាងហោចណាស់ 1,203នាក់ និងធ្វើឱ្យរបួស 3,900 នាក់ផ្សេងទៀត នេះបើយោងតាមក្រសួងសុខាភិបាលហ្គាហ្សា។
កងទ័ពអ៊ីស្រាអែល បានសម្លាប់មនុស្សជាង73,000 នាក់ និងធ្វើឱ្យរបួសជាង 174,000 នាក់ផ្សេងទៀតនៅក្នុងសង្គ្រាមប្រល័យពូជសាសន៍របស់ខ្លួនចាប់តាំងពីខែតុលា ឆ្នាំ 2023៕
