ភ្លើងឆេះព្រៃធំៗនៅប្រទេសបារាំងនិងអេស្ប៉ាញ នៅតែបន្តឆេះ ហើយក្រុមពន្លត់អគ្គិភ័យមិនទាន់អាចគ្រប់គ្រងបានទាំងស្រុងនៅឡើយ។ អាជ្ញាធរបានព្រមានថា អាកាសធាតុក្តៅខ្លាំងដែលនឹងមកដល់ អាចធ្វើឱ្យភ្លើងរាលដាលកាន់តែខ្លាំង។
ប្រភពពីសារព័ត៌មានAnadolu Agency នៅថ្ងៃទី២៨ខែកក្កដា។
នៅប្រទេសបារាំង ភ្លើងនៅតំបន់ Gironde បានឆេះព្រៃប្រមាណ ៤២,០០០ ហិកតា និងបង្ខំឱ្យមនុស្សប្រមាណ ២២០,០០០ នាក់ ចាកចេញពីផ្ទះ ដើម្បីសុវត្ថិភាព។ អ្នកពន្លត់អគ្គិភ័យជាច្រើននាក់ក៏បានរងរបួសផងដែរ។
ចំណែកនៅប្រទេសអេស្ប៉ាញ ភ្លើងឆេះព្រៃជាច្រើនកន្លែងបានបំផ្លាញដីព្រៃរាប់ម៉ឺនហិកតា និងបង្ខំឱ្យមនុស្សជាង ៥០,០០០ នាក់ ជម្លៀសខ្លួន ឬស្នាក់នៅក្នុងតំបន់ដែលអាជ្ញាធរចាត់ទុកថាមានសុវត្ថិភាព។
សហភាពអឺរ៉ុប និងប្រទេសជាច្រើន រួមទាំង Türkiye បានបញ្ជូនយន្តហោះពន្លត់អគ្គិភ័យ ឧទ្ធម្ភាគចក្រ និងក្រុមអ្នកពន្លត់អគ្គិភ័យទៅជួយប្រទេសបារាំង និងអេស្ប៉ាញ៕
