ជនជាតិប៉ាឡេស្ទីនជាច្រើននាក់ បានរងរបួសបន្ទាប់ពីមានការវាយប្រហារនៅលើសហគមន៍បេឌូអ៊ីនមួយនៅជិតក្រុងយេរូសាឡឹមខាងកើត។ ក្រុមជួយសង្គ្រោះបានជម្លៀសអ្នករងរបួសពីរនាក់ទៅមន្ទីរពេទ្យ។
ប្រភពពីសារព័ត៌មានAnadolu Agency នៅថ្ងៃទី២៨ខែកក្កដា។
នៅតំបន់វេសបែង ក៏មានសេចក្តីរាយការណ៍ថា អ្នកតាំងទីលំនៅអ៊ីស្រាអែលបានកាន់កាប់ផ្ទះមួយខ្នងដែលកំពុងសាងសង់ និងព្យាយាមយកសត្វចិញ្ចឹមរបស់កសិករប៉ាឡេស្ទីន ប៉ុន្តែត្រូវបានប្រជាជនបង្ខំឱ្យដកថយ។
ជាមួយគ្នានេះ កងកម្លាំងអ៊ីស្រាអែលបានឃាត់ខ្លួនកូនប្រុសរបស់អភិបាលក្រុងយេរូសាឡឹម បន្ទាប់ពីចុះប្រតិបត្តិការនៅតំបន់ស៊ីលវ៉ាន់៕
