សហភាពអឺរ៉ុប (EU) បានលើកឡើងថា វិធីសាស្ត្រដោះស្រាយភ្លើងឆេះព្រៃត្រូវតែមានការកែលម្អ ដើម្បីទប់ទល់នឹងផលប៉ះពាល់ពីបម្រែបម្រួលអាកាសធាតុដែលកាន់តែធ្ងន់ធ្ងរ។
ប្រភពពីសារព័ត៌មានReuter នៅថ្ងៃទី២៩ខែកក្កដា។
មន្ត្រីទទួលបន្ទុកការឆ្លើយតបវិបត្តិរបស់ EU បានអំពាវនាវឱ្យមានការបង្កើនថវិកា ការគ្រប់គ្រងព្រៃឈើឱ្យមានប្រសិទ្ធភាព និងការអប់រំប្រជាពលរដ្ឋអំពីហានិភ័យភ្លើងឆេះព្រៃ។
EU បានបញ្ជាក់ថា ប្រហែល ៩០% នៃភ្លើងឆេះព្រៃកើតឡើងដោយសកម្មភាពរបស់មនុស្ស ខណៈប្រទេសបារាំង និងអេស្ប៉ាញកំពុងប្រឈមនឹងភ្លើងឆេះព្រៃធ្ងន់ធ្ងរ ដែលបង្ខំឱ្យប្រជាជនរាប់ម៉ឺននាក់ត្រូវជម្លៀសចេញពីតំបន់គ្រោះថ្នាក់។
សហភាពអឺរ៉ុបក៏បានបញ្ជូនយន្តហោះពន្លត់អគ្គិភ័យទៅជួយប្រទេសទាំងពីរ ដើម្បីទប់ស្កាត់ការរីករាលដាលនៃភ្លើង៕
