អាជ្ញាធរសន្តិសុខសហព័ន្ធរុស្ស៊ីហៅ(FSB) នៅថ្ងៃពុធទី២៩ ខែកក្កដា ឆ្នាំ២០២៦ បានប្រកាសស្ដីពីការចោទប្រកាន់ស្ថាបនិកកម្មវិធីផ្ញើសារ Telegram លោកPavel Durov ផ្លូវការពីបទ«សម្រួលនិងគាំទ្រសកម្មភាពភេរវកម្ម»។
ព្រមទាំងបានចេញដីកាចាប់ខ្លួនជាអន្តរជាតិ (International Wanted List)ទៀតផង។
សារព័ត៌មាន Reuters។
សេចក្តីថ្លែងការណ៍ផ្លូវការរបស់FSB ការចោទប្រកាន់នេះ ធ្វើឡើងក្រោមមាត្រា២០៥.១ ភាគ ១.១ នៃក្រមព្រហ្មទណ្ឌនៃសហព័ន្ធរុស្ស៊ី ដោយសារតែភាគីTelegram បានបដិសេធមិនព្រមលុបចោលChannel, Chat និង Bot ផ្សេងៗ ។
ដែលអាជ្ញាធររុស្ស៊ី អះអាងថា ត្រូវបានប្រើប្រាស់ដោយភ្នាក់ងារចារកិច្ចអ៊ុយក្រែន និងអង្គការជ្រុលនិយម ដើម្បីរៀបចំផែនការវាយប្រហារ ធ្វើឃាត និងសកម្មភាពភេរវកម្មនៅក្នុងដែនដីរុស្ស៊ី។
យ៉ាងណាក្តី ពុំទាន់មានការឆ្លើយតបផ្លូវការភ្លាមៗពីលោក Pavel Durov ឬតំណាងក្រុមហ៊ុន Telegram នៅឡើយទេ។
កម្មវិធី Telegram ត្រូវបានបង្កើតឡើងក្នុងឆ្នាំ២០១៣ ហើយបច្ចុប្បន្នមានអ្នកប្រើប្រាស់សកម្មរហូតដល់ទៅជាង ១ប៊ីលាន (១ពាន់លាន) នាក់នៅទូទាំងពិភពលោក។
ដោយវាជាឧបករណ៍ប្រាសស្រ័យទាក់ទងដ៏សំខាន់បំផុត សម្រាប់ទាំងកងទ័ព និងពលរដ្ឋក្នុងសង្គ្រាមរុស្ស៊ី-អ៊ុយក្រែន។
ទោះបីជាវិមានក្រឹមឡាំងនិង FSB ព្យាយាមប្រើប្រាស់ចំណាត់ការផ្លូវច្បាប់នេះដើម្បីបង្ហាញពីការការពារសន្តិសុខជាតិ និងទប់ស្កាត់ភេរវកម្ម។ ក៏ដោយ ការពិនិត្យមើលស៊ីជម្រៅលើទិដ្ឋភាពនយោបាយ និងបច្ចេកវិទ្យា បានស្តែងឱ្យឃើញពីភាពមិនស៊ីសង្វាក់គ្នានៃតក្កវិជ្ជាលើចំណុចសំខាន់ៗ៕
