(ភ្នំពេញ)៖ នារីរូបស្រស់ ដែលជាអ្នកបើករថយន្ដបង្កមានឈ្មោះ សាម ម៉ីជូ នឹងត្រូវក្រុមគ្រួសារនាំខ្លួនមកប្រគល់ជូនសមត្ថកិច្ចនៃស្នងការដ្ឋាននគរបាលរាជធានីភ្នំពេញ នៅរសៀលថ្ងៃទី៣០,០៧,២០២៦ ដើម្បីអនុវត្តតាមផ្លូវច្បាប់ ក្នុងករណីបើករថយន្ដបុកមន្ដ្រីក្រសួងសាធារណការនិងដឹកជញ្ជូន ស្លាប់ កាលពីយប់ថ្ងៃទី២៨,០៧,២០២៦។
គួរំលឹកថា៖ ជនរងគ្រោះក្នុងហេតុការណ៍គ្រោះថ្នាក់ចរាចរណ៍ខាងលើមានឈ្មោះ គួច លឹមហាន អាយុ៣៥ឆ្នាំ មានស្រុកកំណើតនៅឃុំខ្ចៅ ស្រុកកងមាស ខេត្តកំពង់ចាម ជាបុគ្គលិកផ្នែកភូគព្ភសាស្ត្រ នៃមន្ទីរពិសោធន៍សំណង់និងសាធារណការ នៃក្រសួងសាធារណការ និងដឹកជញ្ជូន។
ចំណែកអ្នកបើកបររថយន្ដឈ្មោះ សាម ម៉ីជូ ភេទស្រី អាយុ២៧ឆ្នាំ អាសយដ្ឋានផ្ទះលេខ៧៨៩K ផ្លូវ១៨០០ ភូមិទួលគោក សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ៕
