យោងតាមទិន្នន័យដែល ចេញផ្សាយដោយក្រុមហ៊ុនតាមដានKpler បានឱ្យដឹងថា ការដឹកជញ្ជូនប្រេងឆៅកាណាដាលើកដំបូងចាប់តាំងពីឆ្នាំ2025 កំពុងឆ្ពោះទៅកាន់ប្រទេសជប៉ុន នៅលើកប៉ាល់ដែលជួលដោយExxon Mobil។
សារព័ត៌មានAl Jazeera នៅថ្ងៃទី៣០.០៧.២០២៦។
កប៉ាល់ដែលមានទង់ជាតិកោះ Marshall ឈ្មោះ Freedom Glory ដែលអាចផ្ទុកប្រេងឆៅ បានរហូតដល់ 750,000បារ៉ែល បានចាកចេញពីទីក្រុង Vancouver នៅថ្ងៃពុធ ដោយផ្ទុកប្រេងឆៅបំពង់បង្ហូរប្រេង Trans Mountain (TMX)។
ការដឹកជញ្ជូនប្រេងចុងក្រោយបំផុត ពី TMX Canada ត្រូវបានទិញដោយក្រុមហ៊ុនចម្រាញ់ប្រេងធំជាងគេរបស់ជប៉ុន Eneos នេះបើយោងតាម Kpler។
នៅថ្ងៃព្រហស្បតិ៍ ទីក្រុងតូក្យូ បានកាត់បន្ថយការព្យាករណ៍ កំណើនរបស់ខ្លួនសម្រាប់ឆ្នាំនេះមកត្រឹម 0.9 ភាគរយពី1.3 ភាគរយ ដោយសារតែតម្លៃប្រេងកើនឡើង។
រហូតដល់សហរដ្ឋអាមេរិក និងអ៊ីស្រាអែល បានចាប់ផ្តើមសង្គ្រាមលើអ៊ីរ៉ង់ក្នុងខែកុម្ភៈ វាបាននាំចូលប្រេងជាង 90 ភាគរយរបស់ខ្លួនតាមរយៈច្រកសមុទ្រ Hormuz។
ឥឡូវនេះ ប្រទេសជប៉ុន គឺជាប្រទេសមួយក្នុងចំណោមប្រទេសអាស៊ីជាច្រើនដែលព្យាយាមធ្វើពិពិធកម្ម អ្នកផ្គត់ផ្គង់របស់ពួកគេជាបន្ទាន់។
បន្ទាប់ពីសង្គ្រាមបានធ្វើឱ្យការដឹកជញ្ជូនប្រេងឆ្លងកាត់ Hormuz ជាប់គាំង។
ប្រេង Trans Mountain
យោងតាមរដ្ឋបាលព័ត៌មានថាមពលសហរដ្ឋអាមេរិក បំពង់បង្ហូរប្រេង Trans Mountain អាចដឹកជញ្ជូនប្រេងឆៅបានរហូតដល់៨៩០,០០០ បារ៉ែល ក្នុងមួយថ្ងៃពីខេត្ត Alberta របស់ប្រទេសកាណាដា ទៅកាន់ស្ថានីយដឹកជញ្ជូនតាមសមុទ្រមួយក្នុងទីក្រុង Burnaby ខេត្ត British Columbia។
បំពង់បង្ហូរប្រេងនេះជាកម្មសិទ្ធិ របស់រដ្ឋាភិបាលសហព័ន្ធ ហើយបានដំណើរការក្នុងសមត្ថភាពជិត ៩០ ភាគរយចាប់តាំងពីត្រីមាសទី ៣ ឆ្នាំ ២០២៥។
ការនាំចេញតាមរយៈ TMX ទៅកាន់អាស៊ីមានចំនួនជិត ៧៧ ភាគរយនៃការនាំចេញប្រេងសរុបពីទីក្រុង Vancouver នៅឆ្នាំនេះ បើប្រៀបធៀបទៅនឹងប្រហែល ៥១ ភាគរយនៅឆ្នាំ ២០២៤។
ប្រទេសឥណ្ឌា ម៉ាឡេស៊ី និងសិង្ហបុរី សុទ្ធតែបានវិលត្រឡប់មកទិញប្រេងឆៅដែលដឹកជញ្ជូនតាមរយៈTMX ចាប់តាំងពីសង្គ្រាមលើអ៊ីរ៉ង់មក។
ខណៈដែលប្រេងកាណាដាមានចំនួនជិត៦០ ភាគរយនៃការនាំចូលប្រេងឆៅរបស់សហរដ្ឋអាមេរិក នេះបើយោងតាមរដ្ឋបាលព័ត៌មានថាមពលសហរដ្ឋអាមេរិក៕
