រញ្ជួយដីកម្រិត៤.៧ រ៉ិចទ័រ បានវាយប្រហារតំបន់ Campi Flegrei ជិតទីក្រុងណាប៉ូលី ប្រទេសអ៊ីតាលី កាលពីយប់ថ្ងៃទី៣១ ខែកក្កដា បណ្តាលឱ្យដាច់ចរន្តអគ្គិសនី រំខានដល់សេវារថភ្លើង និងរថភ្លើងក្រោមដី ព្រមទាំងបង្កការខូចខាតដល់អគារមួយចំនួន។
ប្រភពពីសារព័ត៌មានReuter នៅថ្ងៃទី១ខែសីហា។
អាជ្ញាធរបានឱ្យដឹងថា ចំណុចកណ្តាលរញ្ជួយដីស្ថិតនៅជម្រៅប្រហែល ៣ គីឡូម៉ែត្រ។ សេវារថភ្លើង និងរថភ្លើងក្រោមដីត្រូវបានផ្អាកជាបណ្តោះអាសន្ន ដើម្បីត្រួតពិនិត្យសុវត្ថិភាព។ ប្រជាជនមួយចំនួនបានភ័យខ្លាច និងរត់ចេញពីផ្ទះ ខណៈមកទល់ពេលនេះ មិនទាន់មានសេចក្តីរាយការណ៍អំពីអ្នកស្លាប់ ឬរបួសធ្ងន់ធ្ងរនៅឡើយទេ៕
