ដាណឺម៉ាក បានចូលកាន់តំណែងជាប្រធានប្តូរវេន នៃក្រុមប្រឹក្សាសន្តិសុខអង្គការសហប្រជាជាតិ(អ.ស.ប.)សម្រាប់ខែសីហា ដោយផ្តោតលើការលើកកម្ពស់សន្តិភាព សន្តិសុខ និងសិទ្ធិស្ត្រី។
ប្រភពពីសារព័ត៌មានAnadolu Agency នៅថ្ងៃទី៤ខែសីហា។
ឯកអគ្គរដ្ឋទូតដាណឺម៉ាកប្រចាំ អ.ស.ប. បាននិយាយថា ពិភពលោកកំពុងប្រឈមមុខនឹងជម្លោះ និងភាពតានតឹងកាន់តែខ្លាំងនៅតំបន់ជាច្រើន ដូចជា អ៊ុយក្រែន មជ្ឈិមបូព៌ា ស៊ូដង់ និងតំបន់ឈូងសមុទ្រ។
លោកស្រីក៏បានព្រមានថា ជម្លោះអាចបង្កឱ្យមានបញ្ហាខ្វះស្បៀងអាហារ និងវិបត្តិមនុស្សធម៌កាន់តែធ្ងន់ធ្ងរ។
ក្នុងអំឡុងខែសីហា ក្រុមប្រឹក្សាសន្តិសុខនឹងពិភាក្សាអំពីស្ថានការណ៍នៅហ្គាហ្សា អ៊ុយក្រែន យេម៉ែន ស៊ីរី និងតំបន់ជម្លោះផ្សេងៗទៀត។ ដាណឺម៉ាកក៏នឹងរៀបចំកិច្ចប្រជុំស្តីពីទំនាក់ទំនងរវាងជម្លោះ និងការខ្វះស្បៀងអាហារ នៅថ្ងៃទី២៥ ខែសីហា៕
