ភ្លើងឆេះព្រៃនៅជាយក្រុង Spokane ក្នុងរដ្ឋវ៉ាស៊ីនតោនរបស់ សហរដ្ឋអាមេរិក បានបន្តឆាបឆេះជាថ្ងៃទី៣ ដោយបានបំផ្លាញអគារយ៉ាងហោចណាស់៧០០ខ្នង និងបង្ខំប្រជាជនប្រមាណ ៦៤,០០០នាក់ឱ្យជម្លៀសចេញពីលំនៅដ្ឋាន។
ប្រភពពីសារព័ត៌មានReuter នៅថ្ងៃទី៤ខែសីហា។
អាជ្ញាធរបានចាត់ទុកភ្លើងឆេះព្រៃចំនួន៣កន្លែងនៅតំបន់នេះ ជាអាទិភាពខ្ពស់បំផុតសម្រាប់ការប្រយុទ្ធនឹងអគ្គិភ័យនៅទូទាំងសហរដ្ឋអាមេរិក ខណៈតំបន់ភាគពាយ័ព្យប៉ាស៊ីហ្វិកកំពុងប្រឈមនឹងគ្រោះរាំងស្ងួត និងភ្លើងឆេះព្រៃជាច្រើនកន្លែង ដែលបង្កឱ្យគុណភាពខ្យល់ធ្លាក់ចុះនៅតំបន់ធំទូលាយ៕
